Það verður nóg að gera hjá Atla og strákunum um helgina
| | 7. september 2010 - Akureyri handboltafélag skrifarHandboltaveisla í Höllinni um helginaNú um helgina hitum við rækilega upp fyrir komandi handboltavertíð. Eitt af sterkustu æfingamótum haustsins verður hér á Akureyri og er Norðlenska bakhjarl mótsins sem nefnist fyrir vikið Opna Norðlenska.
Auk Akureyri Handboltafélag taka þátt úrvaldsdeildarliðin FH, Fram og Valur auk þeirra koma 1. deildarliðin Grótta og Stjarnan. Leikið verður í tveim riðlum, annarsvegar Akureyri, Grótta og Fram en í hinum riðlinum eru Valur, FH og Stjarnan.
Leikið verður í Íþróttahöllinni og er leikjafyrirkomulagið sem hér segir:
Föstudagur 10. september
Kl. 16:30 Akureyri - Grótta
Kl. 18:00 Valur - Stjarnan
Kl. 19:30 Grótta - Fram
Kl. 21:00 Stjarnan - FH
Laugardagur 11. september
Kl. 09:30 Fram - Akureyri
Kl. 11:00 FH - Valur
Kl. 12:30 5 - 6 sæti.
Kl. 14:00 3 - 4 sæti.
Kl. 15:30 1 - 2 sæti.
Aðgangur á mótið kostar kr. 1.000- og gildir miðinn á alla leiki mótsins. 15 ára og yngri greiða 500 krónur.
Atli Hilmarsson og Bjarni Fritzson kunna að meta gæðakjötið frá Norðlenska
Leikmannakynning
Á föstudaginn klukkan 20:00 verður jafnframt kynning á leikmannahópi Akureyrar sem fram fer í Íþróttahöllinni. Við hvetjum alla stuðningsmenn til að fjölmenna í höllina, við erum bjartsýn á veturinn, glæný andlit í leikmannhópnum og önnur sem eru mætt til leiks á ný auk þess sem aðrir hafa þroskast og eflst um a.m.k. eitt ár frá því síðast.
Stuðningsmannaskírteini og ársmiðar
Þá hefst sala á stuðningsmannaskírteinum og ársmiðum um helgina og verður hægt að kaupa þau í Höllinni á meðan að mótinu og leikmannakynningunni stendur.
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu