Andri Snær Stefánsson orðinn löglegur hjá Odder Håndbold

Fréttir

Þú flettir milli frétta með örvalyklunum eða smellir á bláu örvarnar!


Fyrsti leikur hjá Andra Snæ á fimmtudaginn		14. september 2010 - Akureyri handboltafélag skrifar Andri Snær Stefánsson orðinn löglegur hjá Odder Håndbold Andri Snær Stefánsson er nú formlega genginn til liðs við danska 1. deildarliðið Odder Håndbold. Eins og við höfum greint frá hér á síðunni hefur Andri æft með liðinu síðan í byrjun ágúst og líkar vel. Odder liðið lék sinn fyrsta leik í deildinni á sunnudaginn, gegn nágrönnum sínum í Skanderborg og vann góðan fjögurra marka sigur á útivelli. Andri Snær lék ekki með í þeim leik þar sem félagaskiptin höfðu ekki náð í gegn vegna einhverra tafa hjá danska handknattleikssambandinu. En félagaskiptin eru nú komin í gegn og varð Andri Snær löglegur leikmaður Odder í dag og getur því tekið þátt í fyrsta heimaleik Odder liðsins sem er á fimmtudaginn þegar þeir fá Faaborg HK í heimsókn. Lið Odder - Andri Snær í treyju númer 15 í fremstu röð
Fletta milli frétta	Til baka Senda á Facebook