Sala hafin á stuðningsmannaskírteinum eða ársmiðum

Undanfarin ár hefur Akueyri Handboltafélag átt því láni að fagna að eiga öflugan hóp dyggra stuðningsmanna sem mynda svonefndan stuðningsmannaklúbb. Í upphafi hverrar leiktíðar kaupa þessir aðilar stuðningsmannaskírteini eða ársmiða sem í leiðinni er aðgöngumiði á alla heimaleiki liðsins í N1 deildinni. Klukkutíma fyrir leik opnar sérstakt stuðningsmannaherbergi þar sem boðið er upp á heitan mat og ýmsar veitingar. Í hálfleik eru kaffiveitingar og loks koma menn saman eftir leik með leikmönnum og ræða gang mála.



Ákveðin sæti í stúkunni eru frátekin fyrir félagsmenn auk þess er skírteinið númerað enda geta félagsmenn átt von á því að dregið verði í happadrætti á heimaleikjum þar sem góðir vinningar eru í boði.

Að þessu sinni kostar skírteinið 17.500 krónur og er hægt að semja um raðgreiðslur ef það hentar. Sala kortanna er í höndum leikmanna en einnig er hægt að kaupa skírteini á heimaleikjum eða leggja inn pöntun hér á heimasíðunni.

Við hvetjum áhugasama til að verða sér úti um skírteinin tímanlega til að nýta aurinn sem best en fyrsti heimaleikur Akureyrar Handboltafélags er fimmtudaginn 7. október.

Smelltu hér eða á myndina til að panta stuðningsmannaskírteini.