Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Ekki þarf að hafa mörg orð um hve gríðarlegur styrkur þetta verður fyrir félagið

1. apríl 2011 - Akureyri handboltafélag skrifar

Tveir nýir leikmenn til Akureyrar Handboltafélags

Snemma í morgun varð ljóst að þeir Arnór Atlason og Guðjón Valur Sigurðsson ganga til liðs við Akureyri Handboltafélag fyrir næstu leiktíð. Þeir landsliðsfélagar hittust í morgun á heimili Arnórs í Kaupmannahöfn og undirrituðu þar samningsdrög við Akureyri.

Sem kunnugt er hefur Guðjón ekki fengið mikinn spiltíma undanfarið hjá liði sínu Rhein-Neckar Löwen upp á síðkastið og því vildi hann losna frá félaginu. Arnór sér líka fram á minnkandi spiltíma með ofurliðinu AG København og því tóku þeir þá ákvörðun að leika á Íslandi á næstu leiktíð. Þegar sú ákörðun hafði verið tekin kom aðeins eitt lið til greina, ekki síst vegna tengsla og fyrri reynslu þeirra af Atla Hilmarssyni sem þjálfaði þá báða hér á árum áður.

Þeir félagar koma með flugi frá Kaupmannahöfn í dag og fljúga beint hingað norður. Klukkan 15:00 í dag verður athöfn í Íþróttahöllinni á Akureyri þar sem samningar þeirra verða endanlega undirritaðir og gengið frá lausum endum.
Þeir Arnór og Guðjón Valur hafa mikinn áhuga á að hitta stuðningsmenn Akureyrar Handboltafélags við þetta tækifæri og eru því allir áhugasamir hvattir til að koma í Höllina klukkan 15:00 og hitta þá félaga.

Ekki þarf að hafa mörg orð um hve gríðarlegur styrkur þetta verður fyrir lið Akureyrar á næstu leiktíð.


Arnór og Guðjón Valur sendu okkur þessar myndir í morgun en Arnór lumaði á þessari liðstreyju sem þeir skiptust á að vera í við undirritunina.

Í spjalli við heimasíðuna kvaðst Hannes Karlsson formaður þetta ekki hafa átt langan aðdraganda en hann væri gríðarlega ánægður með að endanlega ákvörðun liggi fyrir í dag.
Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson