Akureyringar sigursælir á lokahófi HSÍ

Lokahóf HSÍ var að ljúka og má með sanni segja að okkar menn í Akureyri hafi verið sigursælir. Þar stendur uppúr að Heimir Örn Árnason hlaut Valdimarsbikarinn en hann fær sá leikmaður sem er hvað mikilvægastur, ekki lítill heiður það.

Þá var Guðlaugur Arnarsson valinn besti varnarmaður tímabilsins. Sveinbjörn Pétursson var valinn besti markvörðurinn og Atli Hilmarsson var valinn þjálfari ársins. Efnilegasti leikmaður deildarinnar er svo að sjálfsögðu Guðmundur Hólmar Helgason.

Að lokum voru Sveinbjörn Pétursson (markvörður) og Oddur Gretarsson (vinstri hornamaður) valdir í lið ársins.

Heimasíðan óskar þeim öllum að sjálfsögðu til hamingju með titlana en þeir eru merki um frábært tímabil hjá liðinu. Það verður klárlega byggt ofaná þetta tímabil og hver veit nema að liðið hreppi fleiri nafnbótir á næsta ári.

Listi yfir alla verðlaunahafa í N1-Deild karla:
Háttvísisverðlaun HDSÍ: Ólafur Bjarki Ragnarsson, HK.
Unglingabikar HSÍ: FH.
Valdimarsbikarinn: Heimir Örn Árnason, Akureyri.
Markahæsti leikmaður N1-deildar karla: Ragnar Jóhannsson, Selfossi, 173 mörk.
Besti varnarmaður N1-deildar karla: Guðlaugur Arnarsson, Akureyri.
Besti sóknarmaður N1-deildar karla: Ólafur Bjarki Ragnarsson, HK.
Besti markvörður N1-deildar karla: Sveinbjörn Pétursson, Akureyri.
Besti þjálfari N1-deildar karla: Atli Hilmarsson, Akureyri.
Efnilegasti leikmaður N1-deildar karla: Guðmundur Hólmar Helgason, Akureyri.
Handknattleiksmaður ársins í N1-deild karla: Ólafur Bjarki Ragnarsson, HK.
Besta dómaraparið: Anton Gylfi Pálsson og Hlynur Leifsson.

Úrvalslið N1-Deildar karla tímabilið 2010-2011
Markvörður: Sveinbjörn Pétursson, Akureyri.
Línumaður: Atli Ævar Ingólfsson, HK.
Vinstra horn: Oddur Gretarsson, Akureyri.
Vinstri skytta: Ólafur Bjarki Ragnarsson, HK.
Miðjumaður: Ásbjörn Friðriksson, FH.
Hægri skytta: Ólafur Andrés Guðmundsson, FH.
Hægra horn: Einar Rafn Eiðsson, Fram.

Fletta milli frétta

Til baka

Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson