Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Frábært framtak sem örugglega mun skila fleiri framtíðar stjörnum 28. júní 2011 - Akureyri handboltafélag skrifar Handboltaskóli Greifans - myndir Vikuna 20.- 24. júní var starfræktur Handboltaskóli Greifans. Kennslan fór fram í Íþróttahúsi KA við Lundarskóla en kennarar voru þeir Jóhannes G. Bjarnason og Sævar Árnson sem samanlagt hafa þjálfað handbolta í rúma hálfa öld. Á níunda tug nemenda á aldrinum 11-18 ára skráðu sig í skólann og var hópnum skipt eftir aldri. Þátttakendur sóttu fyrirlestra um hina ýmsu þætti handboltans og síðan tóku við fjölbreyttar æfingar í sal. Á föstudeginum 24. var síðan sameiginleg æfing hjá öllum hópunum og komu þá margir góðir gestir sem aðstoðuðu við þjálfunina. Má þar helsta nefna Guðjón Val Sigurðsson, Björgvin Pál Gústavsson, Ásgeir Hallgrímsson, Odd Gretarsson, Heimi Árnson, Jóhann Gunnar Jóhannson, Atla Hilmarsson auk fleiri góðra gesta. Ekki má gleyma heimsókn Arnórs Atlasonar á fyrsta degi skólans en þá heimsótti hann alla hópa, sagði til við þjálfun og spjallaði við nemendur í lok æfinga. Viðtökur foreldra og nemenda voru afar góðar og því líklegt að Handboltaskóli Greifans verði aftur á dagskrá næsta sumar. Aðstandendur skólans vilja þakka Veitingahúsinu Greifanum fyrir samstarfið. Hannes Pétursson sendi okkur fjöldann allan af myndum frá skólanum og er hægt að skoða alla syrpuna með því að smella hér. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson