Ásgeir í leiknum gegn Akureyri í Mosfellsbæ á síðustu leiktíð
| | 3. júlí 2011 - Akureyri handboltafélag skrifarNýr leikmaður til Akureyrar HandboltafélagsSíðastliðinn föstudag var gengið frá samningi við Ásgeir Jónsson um að hann gangi í raðir Akureyrar Handboltafélags. Ásgeir kemur frá Aftureldingu og var einn af lykilmönnum liðsins síðasta vetur. Ásgeir æfði með Akureyrarliðinu í vikunni og sýndi, eins og menn raunar vissu, að hér er á ferðinni gríðarlega öflugur leikmaður. Öflugur varnarmaður og línumaður en Ásgeir skoraði 30 mörk í N1 deildinni síðasta vetur.
Þegar rýnt er í leiki síðasta tímabils þá reyndist hann Akureyrarliðinu sérlega erfiður í leik liðanna í Mosfellsbæ þann 2. desember sem Akureyri vann reyndar með naumindum 24-25. Sjá umfjöllun um leikinn.
Við bjóðum Ásgeir velkominn til leiks en hann er jafnframt að hefja nám í sjávarútvegsfræði við Háskólann á Akureyri.
Annars hefur Akureyrarliðið æft af kappi að undanförnu og munu æfingar halda áfram út næstu viku en þá tekur við kærkomið frí frá skipulögðum æfingum fram að verslunarmannahelgi. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu