Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Dóri og félagar eru ekki kominir í sumarfrí

26. apríl 2012 - Akureyri handboltafélag skrifar

2. flokkur: Leikur við Gróttu þann 1. maí

Þó að meistaraflokkur Akureyrar hafi lokið keppni að sinni þá er ekki þar með sagt að félagið sé lagst í dvala. Öðru nær þá er 2. flokkur í harðri baráttu í úrslitakeppninni og leikur undanúrslitaleik gegn Gróttu þriðjudaginn 1. maí og verður leikurinn í Íþróttahöllinni klukkan 15:30.

Akureyri varð deildarmeistari og á því heimaleikjaréttinn gegn Gróttu sem hafnaði í 4. sæti deildarinnar. Athugið að það er aðeins einföld umferð og því er ekkert nema sigur sem kemur til greina.

Í átta liða úrslitunum sigraði Akureyri lið FH 28-26 en Grótta sigraði Selfyssinga 39-31.

Akureyri og Grótta mættust tvisvar í deildinni í vetur, Akureyri vann heimaleikinn stórt 41 – 29 en útileikurinn tapaðist hins vegar með einu marki 24-23. Þar að auki mættust liðin í bikarkeppninni í vetur og þar fór Grótta með eins marks sigur hér á Akureyri 30 – 31. Þar með fékk þátttaka Akureyrarstráka í bikarnum snöggan enda í leik sem varð heldur betur sögulegur.

Það er því næsta víst að Akureyri á harma að hefna gegn Gróttu og enn á ný er kallað eftir stuðningi áhorfenda sem hafa staðið sig frábærlega á leikjum 2. flokks í vetur.


Akureyri fagnaði deildarmeistaratitlinum - nú þarf að berjast fyrir þeim stóra!

Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson