Heimir Örn Árnason vann til verðlauna á Arctic Open

Fréttir

Þú flettir milli frétta með örvalyklunum eða smellir á bláu örvarnar!


Sannur keppnismaður		6. júlí 2012 - Akureyri handboltafélag skrifar Heimir Örn Árnason vann til verðlauna á Arctic Open Leikmönnum Akureyrar Handboltafélags er ýmislegt til lista lagt. Það kom glögglega í ljós um síðustu helgi þegar Heimir Örn Árnason gerði sér lítið fyrir og hafnaði í 3. sæti í punktakeppni alþjóðlega golfmótsins Arctic Open. Arctic Open er alþjóðlegt golfmót sem hefur fest sig í sessi en það hefur verið haldið árlega allt frá 1986. Frá árinu 1987 hefur verið keppt í tveimur flokkum, með og án forgjafar, og það ár var atvinnumönnum í fyrsta sinn boðin þátttaka og mótið um leið gert að alþjóðlegu golfmóti. Kylfingarnir nutu miðnætursólar á Arctic Open en þeir komu víðsvegar af landinu og raunar frá öllum heimshornum. Mótið er í raun fjögurra daga golfhátíð, 36 holu golf þar sem leikið er eftir Stableford punktakerfi. Sjálfir keppnisdagarnir voru tveir og spilaðar 18 holur hvorn þeirra. Það er ljóst að Heimir Örn er keppnismaður fram í fingurgóma í öllu sem hann tekur sér fyrir hendur og óskum við honum til hamingju með árangurinn.
Fletta milli frétta	Til baka Senda á Facebook