Bjarni og Oddur í liði 3. umferðar hjá Morgunblaðinu

Fréttir

Þú flettir milli frétta með örvalyklunum eða smellir á bláu örvarnar!


Magnaðir Bjarni og Oddur		9. október 2012 - Akureyri handboltafélag skrifar Bjarni og Oddur í liði 3. umferðar hjá Morgunblaðinu Morgunblaðið birtir í dag val sitt á bestu leikmönnum 3. umferðar N1-deildarinnar. Líkt og í síðustu umferð á Akureyri Handboltafélag tvo fulltrúa í liðinu og það eru einmitt sömu leikmennirnir Bjarni Fritzson og Oddur Gretarsson. Að þessu sinni er Bjarni valinn besti hægri hornamaðurinn en Oddur besti vinstri hornamaðurinn. Það er vissulega skemmtilegt því að í þessari umferð lék Oddur fyrst og fremst sem skytta og leikstjórnandi og leysti það hlutverk frábærlega. Tölurnar innan sviga tákna hve oft viðkomandi leikmaður hefur verið í liði umferðarinnar hjá Morgunblaðinu. Lið 3. umferðar að mati Morgunblaðsins Vinstri horn: Oddur Gretarsson Akureyri Handboltafélag (2) Vinstri skytta: Gísli Jón Þórisson, Haukum Leikstjórnandi: Róbert Aron Hostert, Fram Línumaður: Gunnar Harðarson, Val (2) Hægri skytta: Jóhann Gunnar Einarsson, Fram Hægra horn: Bjarni Fritzson Akureyri Handboltafélag (3) Markvörður: Hlynur Morthens, Val Varnarmaður: Bjarki Már Gunnarsson, HK Jafnframt var Hlynur Morthens valinn leikmaður umferðarinnar. Við óskum öllum þessum leikmönnum til hamingju með viðurkenningar sínar.
Fletta milli frétta	Til baka Senda á Facebook