Allt gott að frétta af austurvígstöðvunum
| | 15. ágúst 2013 - Akureyri handboltafélag skrifarÞýskalandspistill nr. 1 - myndirVið höfum fengið sendan eftirfarandi pistil og myndir frá stráknum og væntanlega fylgja fleiri í kjölfarið.
Þá er fyrsta „tékk inn“ frá Þýskalandsferð okkar Akureyrarmanna. Við flugum aðfaranótt miðvikudags með körfuboltalandsliði Búlgara, við lítinn fögnuð Friðriks axlir Svavarssonar sem bölvaði þeim í sand og ösku fyrir að hafa unnið okkar menn fyrr um kvöldið. Við lentum kl. 9 að staðartíma á flugvelli Berlínar og við tók þriggja tíma rútuferð til bæjarins Höhenmulsen þar sem við gistum. Höhenmulsen er 10.000 manna bær og virðast eldri borgarar vera í miklum meirihluta.
Um kvöldið spiluðum við leik við 3. deildarlið Ziegelheim. Í stuttu máli vannst leikurinn 24-15 og allir leikmenn fengu að spreyta sig töluvert. Markaskorun dreifðist vel á liðið en maður leiksins var án vafa viðskiptajöfurinn Hreinn Þór Hauksson sem tuskaði Þjóðverjana til og frá allan leikinn.
Heimamenn fylltu höllina og var meðalaldur stúkunnar um 75 ár. Þau gömlu mynduðu góða stemningu og létu vel í sér heyra, hrikalega gaman af því.
Að leik loknum buðu Ziegelheim menn okkur í mikla Snitzel veislu við mikinn fögnuð hins dagfarsprúða markmanns Tomas Olasonar sem tók vel til matar síns. Með snitselinu var boðið upp á Sauerkraus og kartöflusalat sem komst ekki með tærnar þar sem salat Matur og Mörk hefur hælana.
Framundan bíður leikur á föstudag við Slóvenska liðið Gorenje, mikil tilhlökkun í hópnum.
Mættir til Þýskalands
Heimamenn í Ziegelheim sækja í upphafi leiks
Andri Snær á auðum sjó
Kristján Orri kominn fremstur fram
Gunnar, Kristján Már og Hreinn búnir með fyrsta snitzel diskinn og vilja meira
Jón Heiðar og Heiðar Þór í snitzel smökkun
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu