Heimir til Akureyrar og Jón Heiðar til Hamranna

Fréttir

Þú flettir milli frétta með örvalyklunum eða smellir á bláu örvarnar!


Heimir Örn klæðist Akurerarbúningnum á ný		31. október 2013 - Akureyri handboltafélag skrifar Heimir til Akureyrar og Jón Heiðar til Hamranna Eins og komið hefur fram á síðustu dögum hefur Heimir Örn Árnason, þjálfari Akureyrar ákveðið að taka fram úrvalsdeildarskóna á ný og verða til taks sem leikmaður Akureyrar ef á þarf að halda. Heimir ákvað í sumar að verða einungis í hlutverki þjálfara í vetur en hefur haldið sér í leikformi með 1. deildarliði Hamranna í vetur. Ekki þarf að hafa mörg orð um að þessi endurkoma Heimis er gríðarlega jákvæð fyrir Akureyrarliðið enda Heimir mikill reynslubolti og öflugur leikmaður jafnt í vörn sem sókn. Heimir átti til að mynda stórleik með Hömrunum á dögunum gegn toppliði Aftureldingar í 1. deildinni enda spurðu margir sig eftir þann leik af hverju slíkur leikmaður væri ekki að spila í úrvalsdeildinni? Heimir fylgist með félögum sínum í Hömrunum En Hamrarnir fá góðan liðsstyrk í staðinn en leikstjórnandinn Jón Heiðar Sigurðsson færir sig í staðinn frá Akureyri yfir til Hamranna en Jón Heiðar er ákaflega fjölhæfur leikmaður sem mun örugglega setja sinn svip á stemmingslið Hamranna. Jón Heiðar og Hjalti Þór Hreinsson innsigla komu Jóns til Hamranna
Fletta milli frétta	Til baka Senda á Facebook