HSÍ með nýjan styrktaraðila í bikarnum
| | 1. nóvember 2013 - Akureyri handboltafélag skrifarAkureyri mætir Þrótti í fyrstu umferð bikarkeppninnarÍ hádeginu í dag var dregið í fyrstu umferð, eða 32-liða úrslit bikarkeppni karla. Í leiðinni var upplýst að bikarkeppnin í ár kallast Coca-Cola bikarinn. 28 karlalið voru í pottinum og dróst Akureyri Handboltafélag á móti 1. deildarliði Þróttar. Þróttur fær heimaleikinn þar sem þeir eru í neðri deild.
Annars drógust liðin saman sem hér segir:
Stjarnan - Valur
KR - ÍBV
Hörður - Selfoss
Þróttur - Akureyri
Haukar 2 - Fylkir
ÍBV 2 - Valur 2
Fjölnir 2 - Grótta
Leiknir - HK
ÍH - Árborg
Afturelding - Fjölnir
Haukar, FH, Fram, ÍR, Víkingur og Völsungur sitja hjá í þessari umferð.
Leikir karlaliðanna eiga að fara fram 17. og 18. nóvember.
Í Coca-Cola bikar kvenna fékk KA/Þór heimaleik gegn ÍBV en kvennaliðin drógust saman sem hér segir:
Haukar - Selfoss
FH - Afturelding
KA/Þór - ÍBV
HK - Grótta
Fylkir, Stjarnan, Fram og Valur sitja hjá í þessari fyrstu umferð. Kvennaleikirnir verða spilaðir 12. og 13. nóvember. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu