Kapparnir í landsliðsbúningnum, Hreiðar kynntur í landsleik í KA heimilinu
| | 3. júní 2014 - Akureyri handboltafélag skrifarIngimundur og Hreiðar Levý til AkureyrarNú er frá því gengið að silfurdrengirnir Ingimundur Ingimundarson og Hreiðar Levý Guðmundsson koma til liðs við Akureyri Handboltafélag. Þessi tíðindi voru endanlega staðfest í dag þó þau hafi legið í loftinu um nokkurn tíma.
Ekki þarf að hafa mörg orð um hvílíkur fengur þetta er fyrir Akureyri Handboltafélag enda báðir gríðarlega reyndir og öflugir leikmenn. Báðir hafa heldur betur komið við sögu landsliði Íslands og hafa tekið þátt í mörgum af stærstu augnablikum þess, og er skemmst að minnast þátttöku þeirra á Ólympíuleikunum í Peking ásamt Sverre Jakobssyni.
Ingimundur Ingimundarson sneri heim úr atvinnumennsku fyrir þrem árum og gekk þá til liðs við Fram en undanfarin tvö tímabil hefur hann leikið með uppeldisfélagi sínu ÍR.
Ingimundur sækir að Heimi Árnasyni. Mynd: Hilmar Þór/sport.is
Hreiðar Levý er okkur ekki alveg ókunnur hér fyrir norðan en hann lék með Akureyri fyrsta tímabil félagsins 2006-2007 en fór síðan erlendis. Fyrst til Sävehof í Svíþjóð en þaðan lá leiðin til Þýskalands en síðustu ár hefur Hreiðar leikið með norska liðinu Nøtterøy. Liðið var í mikilli baráttu um að halda sæti sínu í úrvalsdeildinni í vor og tókst það á síðustu stundu, ekki síst fyrir frábæran leik Hreiðars í markinu.
Hreiðar með mikilvæga vörslu í lokaleiknum með Nøtterøy
Við bjóðum þá félaga velkomna til liðs við Akureyri og munum kynna þá betur til leiks á næstunni en báðir eru staddir erlendis í augnablikinu. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu