Við bjóðum Daníel Einarsson velkominn til leiks á nýjan leik
| | 16. ágúst 2014 - Akureyri handboltafélag skrifarVel heppnuð ferð til EyjaAkureyrarliðið mætti til Vestmannaeyja seinnipartinn á fimmtudaginn og æfði þá um kvöldið. Önnur æfing var síðan fyrripart föstudagsins en síðan æfingaleikur gegn ÍBV um kvöldið. Leikið var 3 x 20 mínútur og lauk leiknum með jafntefli.
Samkvæmt heimildamanni okkar notaði Heimir allan hópinn og fengu allir að spreyta sig á meðan Eyjamenn léku mest með sitt sterkasta lið. Varnarleikur Akureyrar var góður og Tómas Olason var góður í markinu og Brynjar Hólm Grétarsson með fínan leik á sókninni.
Liðin mættust aftur í dag, laugardag og þar fóru Vestmannaeyingar með tveggja marka sigur í jöfnum og spennandi leik. Í þeim leik kom hornamaðurinn Daníel Einarsson sterkur inn en Daníel er kominn til liðs við Akureyri eftir að hafa verið með KR og HK undanfarin tvö tímabil.
Þrándur Gíslason fór ekki með til Eyja þar sem hann og kona hans bíða eftir frumburði sínum sem getur komið í heiminn á hverri stundu. Hreiðar Levy Guðmundsson er heldur ekki með í ferðinni þar sem hann er að jafna sig eftir hnéaðgerð.
Ferðin hefur tekist mjög vel í alla staði, bæði handboltalega og einnig er afar mikilvægt að hrista hópinn saman. Strákarnir sigla síðan í land um hádegi á sunnudag og halda síðan áfram undirbúningi en næsta verkefni er Hafnarfjarðarmótið 28.-30. ágúst.
Brynjar Hólm Grétarsson mætti sterkur til leiks í Eyjum
Tómas stóð sig vel í markinu í Eyjum
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu