Akureyri fær nýjan danskan leikmann

Fréttir

Þú flettir milli frétta með örvalyklunum eða smellir á bláu örvarnar!


Það verður áhugavert að sjá hvernig Nicklas stendur sig um helgina		29. janúar 2015 - Akureyri handboltafélag skrifar Akureyri fær nýjan danskan leikmann Akureyri Handboltafélag hefur fengið til sín liðsstyrk en það er örvhentur danskur leikmaður að nafni Nicklas Selvig. Eftir að Elías Már Halldórsson yfirgaf félagið eftir síðasta leik var nokkuð ljóst að liðið vantaði örvhentan leikmann fyrir síðari helming tímabilsins. Virkilega jákvætt að sjá að það tókst að bæta við leikmanni í hópinn enda oft erfitt að finna leikmenn í janúar glugganum. Stjórn Akureyrar var búin að skoða ýmislegt en eftir að hafa rætt við Jakob Jónsson þjálfara KÍF í Færeyjum var ákveðið að fá Nicklas til Akureyrar. Nicklas Selvig er örvhentur hornamaður en Akureyri sér fyrir sér að nota hann í skyttustöðunni. Nicklas hefur leikið með liði KÍF í Færeyjum en fyrir utan meðmæli Jakobs er lítið vitað um leikmanninn. Jakob Jónsson ætti að vera flestum handboltaunnendum á Akureyri kunnugur en hann lék lengi með KA og varð meðal annars Íslandsmeistari með liðinu árið 1997. Félagaskiptamarkaðurinn lokar um mánaðarmótin og því ljóst að ekki var mikill tími til stefnu en Akureyri leikur tvo æfingaleiki um helgina þar sem liðið getur séð hvers megnugur Nicklas er. Hér má sjá Jakob í leik með KA í Íþróttahöllinni
Fletta milli frétta	Til baka Senda á Facebook