Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Takk Sverre!

27. janúar 2015 - Akureyri handboltafélag skrifar

Sverre líklegast spilað sinn síðasta landsleik

Í gær tapaði Ísland fyrir Danmörku í 16-liða úrslitum HM í Katar og féll þar með úr leik. Landsliðsmaðurinn í okkar liði hann Sverre Andreas Jakobsson hafði gefið það út fyrir mót að mótið yrði væntanlega sitt síðasta með landsliðinu. Eftir leikinn í gær tjáði Sverre svo fjölmiðlum að hann reiknaði með að leikurinn við Dani væri sinn síðasti landsleikur.

Sverre bætti þó við að ef eitthvað kæmi uppá og landsliðsþjálfarinn myndi hringja í sig þá væri erfitt fyrir sig að skorast undan.

Við viljum þakka Sverre fyrir hans framlag til landsliðsins en það verður erfitt að fylgjast með landsliðinu spila án Sverre enda er maður orðinn vanur því að sjá hann í miðri vörninni en þar hefur hann leikið nær undantekningarlaust síðustu 9 árin. Allt í allt er okkar maður kominn með 180 landsleiki fyrir Íslands hönd og þrátt fyrir að leika aðallega í vörninni er hann með 27 mörk í þessum 180 landsleikjum.

Stærstu stundir Sverre með landsliðinu hljóta að teljast silfur á Ólympíuleikunum 2008 og brons á Evrópumeistaramótinu árið 2010.

Það er þó stutt í að við fáum að sjá kappann leika aftur hér á Akureyri en fyrsti leikur Akureyrar eftir landsleikjahléið er gegn ÍR þann 5. febrúar og svo er annar heimaleikur 8. febrúar þegar Valsarar koma í heimsókn í 8-liða úrslitum Bikarkeppninnar.


Sverre árið 1997 í búningi KA


Sverre með landsliðinu á Ólympíuleikunum í Peking 2008

Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson