Hreiðar jafnaði persónulegt met í síðasta leik

Fréttir

Þú flettir milli frétta með örvalyklunum eða smellir á bláu örvarnar!


Hreiðar er að koma sterkur inn í lið Akureyrar		23. febrúar 2015 - Akureyri handboltafélag skrifar Hreiðar jafnaði persónulegt met í síðasta leik Eins og flestir vita þá átti Hreiðar Levý Guðmundsson stórleik í marki Akureyrar síðastliðinn fimmtudag þegar Akureyri vann gríðarlega mikilvægan sigur á Stjörnunni, 24-21. Hreiðar sem var að leika sinn fyrsta leik í byrjunarliði Akureyrar síðan hann lék með liðinu tímabilið 2006-2007 varði alls 22 skot í leiknum og var valinn maður leiksins. Hreiðar jafnaði þar persónulegt met sitt yfir flest varin skot í einum leik fyrir Akureyri Handboltafélag en hann varði einnig 22 skot í leik gegn Fylki þann 10. febrúar 2007. Í báðum leikjunum var Hreiðar valinn maður leiksins, hann að vísu deildi titlinum í leiknum gegn Fylki með Andra Snæ Stefánssyni. Sjá nánar um þann leik með því að smella hér: Fylkir - Akureyri, 29-23 Hreiðar með verðlaunin fyrir að vera maður leiksins gegn Stjörnunni
Fletta milli frétta	Til baka Senda á Facebook