Andri Snær ekki meira með á tímabilinu

Fréttir

Þú flettir milli frétta með örvalyklunum eða smellir á bláu örvarnar!


Andri spilar ekki meira á tímabilinu en þó jákvætt að fá niðurstöðu		24. febrúar 2015 - Akureyri handboltafélag skrifar Andri Snær ekki meira með á tímabilinu Fyrirliði Akureyrar, Andri Snær Stefánsson, hefur verið frá vegna meiðsla í hæl sem komu upp í leik gegn Aftureldingu þann 6. nóvember. Mikil óvissa hefur verið í kringum meiðsli Andra enda hefur ýmislegt verið reynt til að koma honum aftur í gang. Andri tók að vísu þátt í æfingaleikjum í janúar mánuði en þá hafði hann fengið sterasprautu í hælinn sem gerði gott í fyrstu. Hinsvegar fann Andri mikið til í æfingaleik gegn Stjörnunni og hefur verið frá síðan. Nú hefur loksins komið betur í ljós hvað sé að en eftir myndatöku kom í ljós að sin í hælnum er illa farin og hefur í raun losnað að miklu leiti frá beini. Að læknisráði verður Andri alveg frá í að minnsta kosti þrjá mánuði og verður því ekki meira með á þessu tímabili. Þetta eru vissulega vonbrigði en þó jákvætt að fá loksins staðfestingu á því hver staðan sé. Andri tekur því ekki þátt í fleiri leikjum á þessu tímabili. Andri að snúa til baka í þann mund sem sinin fór í hælnum í leiknum gegn Aftureldingu
Fletta milli frétta	Til baka Senda á Facebook