Dómarinn í liði Akureyrar

Fréttir

Þú flettir milli frétta með örvalyklunum eða smellir á bláu örvarnar!


Heimir hefur dæmt ófáa leikina í gegnum tíðina		30. mars 2015 - Akureyri handboltafélag skrifar Dómarinn í liði Akureyrar Eins og fram hefur komið hér á síðunni þá gera leikmenn Akureyrar margt annað heldur en bara að spila handbolta. Heimir Örn Árnason sem hóf tímabilið sem þjálfari Akureyrar en steig frá því hlutverki og fór aftur að leika með liðinu er einnig með dómarapróf í handbolta. Heimir fékk dómararéttindin fyrir nokkrum árum en þar sem hann er enn að spila þá hefur farið meira fyrir boltatækninni heldur en flautulistinni. Heimir sá hinsvegar um dómgæsluna í undanúrslitum utandeildarinnar á föstudaginn síðasta og stóð sig með prýði. Hann gat að sjálfsögðu ekki dæmt úrslitaleikinn á laugardeginum enda var hann sjálfur að spila með Akureyri þegar liðið vann Hauka 20-25. Valsmenn stóðu svo uppi sem sigurvegarar í utandeildinni með því að leggja Vængi Júpíters í úrslitaleiknum. Heimir klár í dómaraslaginn ásamt þeim Svavari og Bóasi (mynd: sport.is)
Fletta milli frétta	Til baka Senda á Facebook