Til hamingju Heiðar Þór og Hreiðar Levý
| | 28. október 2015 - Akureyri handboltafélag skrifarHeiddi og Hreiðar í liði 10. umferðar á fimmeinn.isNú rétt í þessu var vefurinn fimmeinn.is að birta val sitt á úrvalsliði 10. umferðar Olís deildar karla. Grótta og Akureyri eiga flesta fulltrúa í úrvalsliðinu að þessu sinni, Grótta þrjá og Akureyri tvo, þá Hreiðar Levý Guðmundsson markvörð og hornamanninn Heiðar Þór Aðalsteinsson.
Heiðar Þór Aðalsteinsson var í miklum ham og raðaði inn mörkum gegn ÍR
Í þessari umferð vann Grótta mikinn baráttusigur á Aftureldingu í sögulegum leik þar sem rauð spjöld fóru á loft. Akureyri vann hins vegar öruggan sigur á ÍR í bráðfjörugum leik þar sem þeir félagar Hreiðar og Heiðar fóru á kostum.
Lið 10. umferðarinnar er þannig að mati tíðindamanna fimmeinn.is:
Markmaður: Hreiðar Levý Guðmundsson, Akureyri
Vinstra horn: Heiðar Þór Aðalsteinsson, Akureyri.
Vinstri skytta: Andri Heimir Friðriksson, ÍBV.
Miðja: Aron Pálsson Gróttu.
Hægri skytta: Viggó Kristjánsson, Gróttu.
Hægra horn: Finnur Ingi Stefánsson, Grótta.
Lína: Jón Þorbjörn Jóhannsson, Haukum.
Við óskum þeim öllum til hamingju með viðurkenninguna.
Hreiðar Levý með snilldarmarkvörslu
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu