Vel heppnaður handboltadagur á Glerártorgi

Fréttir

Þú flettir milli frétta með örvalyklunum eða smellir á bláu örvarnar!


Fjöldi fólks stoppaði hjá Arnari Þór og félögum		17. nóvember 2016 - Akureyri handboltafélag skrifar Vel heppnaður handboltadagur á Glerártorgi Síðastliðinn laugardag voru leikmenn Akureyrar Handboltafélags með handboltaglens og gaman fyrir gesti á Glerártorgi. Stillt var upp handboltamarki framan við verslunina Imperial sem er einmitt eitt fjölmargra fyrirtækja sem eru í stuðningsliði félagsins. Biðröð var hjá krökkum og unglingum á öllum aldri að spreyta sig á að skjóta á markið og einnig að fá að prófa að standa í markinu. Þá kynntu leikmenn Orku-lykilinn en handhafar hans njóta afar hagstæðra kjara á eldsneyti með því að hafa lykilinn tengdan við Akureyri Handboltafélag. Fjölmargir notfærðu sér aðstoð leikmanna við að skrá sig fyrir Akureyrarlykli Orkunnar en fyrir utan að fá handhafi lykilsins fái allt að 10 krónu afslátt sjálfur þá styrkir Orkan Akureyri Handboltafélag sérstaklega um eina krónu fyrir hvern keyptan lítra. Hér má sjá nokkrar myndir frá stemmingunni á Glerártorgi: Sigþór Árni og Andri Snær skrá niður beiðni um að fá Orkulykil Akureyrar Það var ekki leiðinlegt að fá að skjóta á Arnar Þór Fylkisson Það var ekki síður ásókn í að verja markið
Fletta milli frétta	Til baka Senda á Facebook