Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Fyrsta deildartap vetrarins staðreynd hjá 2. flokki karla

24. janúar 2007 - ÁS skrifar 

2. flokkur tapaði gegn HK

2. flokkur karla tapaði á sunnudaginn gegn HK í Norður-Riðli. Þetta var fyrsta tap strákanna í deildinni í vetur en þeir eru þrátt fyrir það enn efstir með gott forskot. Leikurinn var ekki nægilega góður hjá strákunum en HK tryggði sér sigurinn með marki á lokasekúndunum úr furðulegu vítakasti, leikurinn fór fram í Digranesi.

Það sem einkenndi fyrri hálfleik liðanna var sóknarleikur en hvorki vörn né markvarsla var til staðar á meðan sóknin stóð fyrir sínu. Í hálfleik var staðan jöfn 18-18 og segir það allt um hvernig leikurinn hafði spilast. Í síðari hálfleik fóru liðin aðeins að sýna varnarleik, en leikurinn var áfram ótrúlega jafn. HK tók leikhlé er 15 sekúndur voru eftir af leiknum og var staðan þá jöfn 30-30.

Er leikurinn hófst að nýju sóttu leikmenn HK á og komust strax í gegn en skutu framhjá, leikmenn Akureyrar byrja að fagna þar sem að þarna voru þeir komnir með jafntefli, hinsvegar þá er innri dómarinn að stressa sig eitthvað og löngu eftir að maðurinn klikkaði þá dæmir dómarinn vítakast. Dómarinn hafði nefnilega sett flautuna í vasa sinn og gleymt henni þar þegar HK tók leikhlé. Hann ákvað svo að dæma vítakast en fann ekki flautuna fyrr en eftir þó nokkurn tíma og dæmir vítakast. Þar með var allur tími Akureyrar farinn þar sem dómarinn var svo lengi að flauta vítakast og HK tryggði sér 31-30 sigur með því að skora úr vítakastinu.

Mjög furðulegt mál en fyrsta deildartap strákanna staðreynd. Þrátt fyrir að strákarnir hafi í raun spilað undir getu í allan vetur eru þeir efstir í Norður-Riðli og með fína forystu á HK og Hauka.
Næstu leikir hjá liðinu verða 3. febrúar gegn HK í Digranesi og 4. febrúar gegn Stjörnunni í Ásgarði.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson