Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Leikurinn gegn Fram er á laugardaginn kl. 16:00

21. september 2007 - Akureyri Handboltafélag skrifar

Hraðinn í fyrirrúmi hjá Fram

Fyrsti heimaleikur Akureyrarliðsins í karlaflokki verður á morgun þegar Framarar koma í heimsókn. Þeir bláu og hvítu úr Reykjavík gerðu góða ferð til Vestmannaeyja í fyrstu umferð N1 deildarinnar um síðustu helgi og sóttu þangað tvö stig gegn nýliðum ÍBV, 32:29. Þeir þurftu þó að hafa mikið fyrir sigrinum gegn ungu og baráttuglöðu liði ÍBV.

Andri Berg Haraldsson, stórskytta Framara og þeirra besti maður í Eyjum, var að vonum ánægður eftir þennan mikla baráttuleik og sagði í Morgunblaðinu: "Það er alltaf gott að vinna hér í Eyjum."

Samkvæmt frásögn Morgunblaðsins beittu Framarar hröðum sóknum í miklum mæli, eftir að Eyjamenn höfðu skorað og náðu ansi oft að svara með marki. "Það var svo sem ekki lagt sérstaklega upp með þetta en við beitum þessu - þetta eru ódýr mörk, við höfum fljóta leikmenn og um að gera að nýta sér það," sagði Andri Berg í Mogganum.

Andri Berg fór á kostum í Framliðinu og ljóst að Akureyringar þurfa að hafa á honum góðar gætur. Hann gerði 9 mörk gegn ÍBV, þar af eitt úr víti. Línumaðurinn Haraldur Þorvarðarson gerði 5 mörk og er jafnan skeinuhættur. Hornamaðurinn Guðjón Drengsson gerði 4 mörk og örvhenta skyttan öfluga, Jóhann Gunnar Einarsson, gerði einnig 4

Markverðir Framara náðu sér ekki sérlega vel á strik í Eyjum, landsliðsmaðurinn Björgvin Páll Gústafsson varði 6 skot og Magnús Gunnar Erlendsson 11. Eins og handboltamenn þekkja er þó ekki góðu að búast þegar Björgvin Páll hrekkur í gang.

Vert er að rifja það upp að í árlegri spá fyrirliða, þjálfara og forráðamanna liðanna fyrir keppnistímabiliðl var Frömrum spáð 5. sæti, aðeins tveimur atkvæðum á eftir HK og Haukum, sem urðu jöfn í 3.-4. sæti í spánni. Akureyrarliðinu var spáð 6. sæti.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson