Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Frábær sigur hjá strákunum í dag



5. febrúar 2008 - Akureyri handboltafélag skrifar

2. flokkur karla: Kominn í undanúrslit í bikarnum

Akureyrarliðið í 2. flokki karla er komið í undanúrslit bikarkeppninnar eftir glæsilegan sigur, 33:28, á Valsmönnum í Vodafonehöllinni að Hlíðarenda í Reykjavík í kvöld. Okkar menn voru yfir allan tímann, höfðu yfirleitt eitt til þriggja marka forskot, og sigurinn var sanngjarn. Liðið lék frábæra vörn, markvarslan var góð og sagði Geir þjálfari Aðalsteinsson að mjög liðsheild hefði skipt sköpum.

Akureyri á því lið í undanúrslitum bikarkeppninnar bæði í 2. og meistaraflokki karla; sannarlega glæsilegur árangur og spennandi að fylgjast með framhaldinu. Í undanúrslitum 2. flokks eru líka komin lið Víkings, HK og Stjörnunnar.

"Við leggjum mikið upp úr góðri liðsheild og í kvöld var hún eins og okkar áttundi maður. Strákarnir stóðu sig mjög vel; vörnin var góð, markvarslan líka og við náðum góðri keyrslu upp völlinn. Sóknarleikurinn var líka mjög öflugur og strákarnir voru skynsamir," sagði Geir Kristinn í samtali við heimasíðuna rétt áðan.

Akureyri hafði þriggja marka forskot í hálfleik, 14:11.

Mörkin skiptust sem hér segir: Ásbjörn Friðriksson 10, Heiðar Þór Aðalsteinsson 6, Hákon Stefánsson 5, Eiríkur Jónasson 3, Fannar Kristmannsson 2, Valdimar Þengilsson 2, Gústaf Línberg 2, Bjarni Jónasson 1, Oddur Grétarsson 1 og Arnar Már Bjarnason 1.

Eins og sjá má er breiddin mikil í liðinu; alls gera 10 leikmenn mark í leiknum í kvöld.

Arnar Sveinbjörnsson stóð í markinu fyrstu 35 mínúturnar og lék mjög vel, að sögn þjálfarans. Sveinbjörn Pétursson kom svo sterkur inn og varði líka mjög vel síðustu 25 mínúturnar. "Enda báðir með frábæra vörn fyrir framan sig," sagði Geir.

Þess má geta að okkar gamli vinur, Sigurpáll Árni Aðalsteinsson, fyrrverandi þjálfari Þórs og leikmaður bæði með Þór og KA, var Geir bróður sínum til halds og trausts á hliðarlínunni. "Hann kom með margar góðar ábendingar," sagði Geir í kvöld, sigri hrósandi.

Þetta gæti því orðið gott bikarár fyrir Akureyri Handboltafélag þar sem þrjú af liðum félagsins eru komin í undanúrslit bikarkeppni sinna flokka, bæði karlaliðin eins og áður segir svo og unglingaflokkur kvenna.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson