2.fl karla: Úrslitaleikur um gullið í dag

Strákarnir í 2. fl gerðu sér lítið fyrir og sigruðu FH 29-27 í baráttunni um að komast í úrslitaleik Íslandsmótsins. Akureyrarstrákarnir voru yfir allan leikinn og náðu mest 6 marka forystu í leiknum en staðan í hálfleik var 16-13 Akureyri í vil.

Markahæstir í leiknum voru: Gústaf Linberg 9, Ásbjörn Friðriksson 6 og Heiðar Þór Aðalsteinsson 5.

Þeir mæta því HK í dag, fimmtudag í hreinum úrslitaleik en HK marði Val með einu marki.

Leikurinn um gullið hefst kl 16:00 í dag og er leikinn á Seltjarnarnesi.

Eins og sést á meðfylgjandi myndum munu menn mæta til leiks í dag með ýmsar athyglisverðar klippingar.