Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Elmar og félagar í 2. flokki halda sigurgöngunni áfram

13. desember 2008 - Akureyri handboltafélag skrifar

2. flokkur: Sigurganga Akureyrar heldur áfram

Akureyri vann stórsigur á ÍR í toppbaráttu 2. flokks í dag. Lokatölur urðu 39-24 í leik sem var að ýmsu leiti sögulegur.

Akureyri byrjaði af krafti og skoraði fyrstu þrjú mörk leiksins en í stöðunni 6-3 kom arfaslakur kafli hjá liðinu og ÍR-ingar gengu á lagið og náðu að jafna í 7-7. Á þessum kafla ætluðu leikmenn að gera hlutina upp á eigin spýtur sem einstaklingar í stað þess að leika sinn leik sem lið. En sem betur fer hristu strákarnir þetta af sér, skoruðu næstu fjögur mörk og kláruðu síðan fyrri hálfleikinn með stæl og leiddu örugglega í hálfleik 19-12.

Yfirburðir Akureyrar héldu áfram í seinni hálfleik og náðu þeir fljótlega tíu marka forystu 26-16. Allir leikmenn Akureyrar tóku þátt í leiknum og skipti engu máli hverjir voru inná, munurinn jókst jafnt og þétt allt til loka og yfirburðasigur staðreynd 39-24.

Dómgæslan í leiknum var oft á tíðum umdeilanleg en það bitnaði jafnt á báðum liðum. Leikmenn ÍR virtust þó eiga erfitt með að höndla mótlætið og létu skapið hlaupa með sig í gönur. Þegar tíu mínútur voru til leiksloka fékk einn leikmaður þeirra sína þriðju brottvísun og brást illur við, sló til annars dómarans, reif af honum flautuna og grýtti henni í vegginn. Fyrir vikið fékk hann krossinn sem þýddi að ÍR-ingar léku einum færri það sem eftir var leiksins og væntanlega fær leikmaðurinn nokkurra leikja bann í kjölfarið. Á síðustu sekúndum leiksins fékk annar leikmaður ÍR-liðsins rautt spjald fyrir að tefja leikinn sem var ekki beint í samræmi við stöðu leiksins.

Fyrir utan slakan kafla í fyrri hálfleik þegar ÍR náði að jafna leikinn léku strákarnir eins og þeir sem valdið hafa og voru öryggið uppmálað. Allir komust vel frá sínu og dreifðust mörkin vel á hópinn en nánast allir í leikmannahópnum skoruðu, þá var markvarsla þeirra Elmars og Siguróla með miklum ágætum.

Markaskorunin var sem hér segir: Anton 11, Heiðar 6, Fannar 5, Oddur 4, Hákon 4, Ágúst 3, Jóhann 2, Baldur 2, Halldór 1, Steinþór 1.

Eftir leikinn er ljóst að baráttan í deildinni stendur á milli Akureyrar og FH, Akureyri er með fullt hús stiga, FH hefur tapað einum leik en ÍR tapaði í dag sínum þriðja leik og hefur því dregist nokkuð afturúr í baráttunni.

Á mánudaginn leika strákarnir gegn Stjörnunni og fer sá leikur fram í Síðuskóla klukkan 17:30 og síðan eiga þeir deildarleik gegn Fram næsta fimmtudag og verður sá leikur einnig í Síðuskólahúsinu.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson