Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni og Siguróli eru andlegir leiðtogar 2. flokksins



22. október 2009 - Akureyri handboltafélag skrifar

Fyrsti leikur 2. flokks á föstudag: Akureyri - HK kl. 20:30

Á föstudaginn hefst tímabilið hjá okkur í 2. flokki AHF þegar við fáum HK í heimsókn í Höllina klukkan 20:30. Við höfum marga hildina háð gegn HK og skemmst er að minnast tvíframlengds leiks í úrslitum bikarkeppninnar fyrr á þessu ári sem endaði með sigri HK.

Mótafyrirkomulagið í ár er þannig að 8 lið eru í 1. deild og 9 lið í annarri deild og er Akureyri að sjálfsögðu í efstu deild. Að lokinni deildarkeppni tekur við 8 liða úrslitakeppni þar sem að lið úr annarri deild geta tryggt sér þátttöku.

Þá erum við einnig skráðir til leiks í bikarkeppninni þar sem að stefnan er tekin á gullið eftir svekkjandi silfurverðlaun síðastliðin tvö ár.

Það er mikilvægt fyrir okkur að verða sem allra efst í deildinni til að tryggja okkur heimaleikjaréttinn sem lengst í úrslitakeppninni. Við setjum að sjálfsögðu markið hátt eins og undanfarin ár en við urðum jú deildarmeistarar í fyrra en það verður að segjast að okkur finnst nóg komið af silfri í bili.

Liðið er mjög breytt frá því í fyrra. Segja má að við höfum misst fimm stráka sem voru í byrjunarliðinu ásamt fleirum en á móti fengum við mikið af strákum upp úr þriðja flokki eða alls 15 leikmenn, tíu stráka úr Þór og fimm úr KA. Flokkurinn er því fjölmennur sem fyrr og eitt af verkefnum vetrarins er að tryggja næg verkefni handa öllum þar sem að alls eru 25 strákar í flokknum. Þessi mikli fjöldi sýnir að verið er að vinna frábært starf í yngri flokkum KA og Þórs.

Við Akureyringar getum verið mjög stoltir af stöðunni eins og hún er í dag og ég fullyrði að ekkert lið á landinu getur státað sig af þeirri glæsilegu stöðu sem við erum í, þ.e. að vera eingöngu með heimamenn í æfingahóp meistaraflokks, 25 leikmenn í 2. flokki ásamt gríðarlega öflugum yngri flokkum félaganna. Framtíðin í akureyrskum handbolta er því ótrúlega björt og spennandi.

Framundan er því skemmtilegur vetur hjá okkur í 2. flokknum, enda hefur það verið einkenni flokksins að hafa gaman að hlutunum og komast þannig langt á öflugri liðsheild. Meðalhæð liðsins hefur ekki verið lægri í langan tíma en á móti kemur mikill hraði og snerpa og ég á því von mjög skemmtilegum bolta í vetur.

Að lokum hvet ég alla handboltaáhugamenn að fylgjast með þessum framtíðarleikmönnum meistaraflokks Akureyrar Handboltafélags í vetur.

Geir Kr. Aðalsteinsson, þjálfari.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson