Slæmt tap í fyrsta heimaleik vetrarins


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Guðmundur Hólmar fór vel af stað í leiknum í kvöld		22. október 2009 - Akureyri handboltafélag skrifar Slæmt tap í fyrsta heimaleik vetrarins Hann byrjar ekki eins og menn ætluðu veturinn hjá Akureyri Handboltafélagi í heimavelli því í kvöld þurfti liðið að lúta í lægra haldi fyrir spræku liði FH í N1-deildinni. Fjölmargir áhorfendur, eflaust um 800 mættu á leikinn og studdu vel við bakið á liðinu. Eftir jafnan fyrri hálfleik leiddi Akureyri með tveggja marka mun 18-16 og leit leikur liðsins ágætlega út. Vörnin var ágæt seinni part fyrri hálfleiksins og upp úr henni komu nokkur auðveld mörk úr hraðaupphlaupum. Þá var markvarslan ágæt, en Hafþór Einarsson hafði varið 10 skot þegar flautað var til seinni hálfleiks. Síðari hálfleikur virtist ætla að byrja vel þegar Geir Guðmundsson kom Akureyri í þriggja marka forystu í upphafi en sú spilamennska sem eftir fylgdi vilja menn eflaust gleyma sem fyrst. FH-ingar breyttu um varnaraðferð og fóru lengra út á móti skyttum Akureyrar sem okkar mönnum gekk illa að ráða við. Smám saman gengu Hafnfirðingar á lagið og breyttu stöðunni úr 19-16 Akureyri í vil í 27-22 sér í vil, sem sagt 11 mörk gegn 3 á fyrstu 20 mínútum síðari hálfleiks. Lokatölur urðu svo 30-27 fyrir FH og voru það Akureyringar sem skoruðu tvö síðustu mörk leiksins. Flest fór úrskeiðis í leik Akureyrar í seinni hálfleik, sóknarleikur liðsins var hreinlega í molum, boltinn fékk ekki að ganga milli manna og þess í stað voru menn að hnoðast of mikið hver fyrir sig. Þá virkuðu menn einfaldlega ragir og má því máli til stuðnings benda á að menn voru farnir að skjóta framhjá í markinu í dauðafærum og þurfti Pálmar Pétursson í marki FH sem varði vel á þriðja tug skota í leiknum ekki að hafa mikið fyrir sumum vörslunum því miður. Varnarleikurinn var ekki nægilega sterkur í síðari hálfleik en á móti kemur að menn fengu ekki oft að stilla upp í vörn þar sem FH skoraði mörg mörk úr hraðaupphlaupum í kjölfar slakra sókna. Enginn skyldi þó taka það af FH-ingum að þeir spiluðu síðari hálfleikinn vel, varnarleikur liðsins var ógnarsterkur og áttu þeir fjölmörg góð hraðaupphlaup í kjölfarið. Pálmar var þeirra besti maður í leiknum en raunar fóru þeir langt á liðsheildinni. Í liði Akureyrar var Oddur Gretarsson yfirburðamaður, Árni og Geir áttu góðan fyrri hálfleik en náðu sér ekki á strik í þeim síðari. Hið sama gilti um Hafþór í markinu en Hörður Flóki átti ágætis innkomu í lok leiksins. Enginn skyldi afskrifa okkar menn, mikið býr í liðinu þó svo að það hafi ekki náð sér á strik í kvöld. Liðið mun klárlega gera betur í næsta leik sem er á útivelli gegn Gróttu. Vonumst við auðvitað eftir að þeir fjölmörgu áhorfendur sem mættu í kvöld komi aftur á næsta heimaleik gegn Stjörnunni þann 12. nóvember nk. og sjái þar liðið sýna sitt rétta andlit, engin spurning er að þar munu strákarnir gera betur. Mörk Akureyrar skoruðu: Oddur 10, Árni 3, Geir 3, Guðmundur 3, Jonni 2, Andri Snær 1, Guðlaugur 1, Heiðar Þór 1, Heimir Örn 1, Hreinn Þór 1 og Hörður Fannar 1 Hafþór varði 13 og Hörður 5. Sjá myndir Þóris Tryggvasonar frá leiknum Jón Stefán Jónsson
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson