Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það verður áfram barátta um sætin í stúkunni

28. október 2009 - Akureyri handboltafélag skrifar

Stækkun stúkunnar í Höllinni ekki á dagskrá bæjarins

Á aðalfundi Akureyrar Handboltafélags sem haldinn var þann 30. september var samþykkt ályktun til Akureyrarbæjar, varðandi að lokið verið við uppsetningu neðri áhorfendastúku í Íþróttahöllinni og hins vegar að Akureyrarbær falli frá banni við auglýsingum á vallargólfinu í Höllinni.

Ályktanirnar voru svohljóðandi:

Aðalfundur Akureyri handboltafélags sem var haldinn 30. september 2009 skorar á Bæjarstjórn Akureyrar að ljúka uppsetningu á áhorfendabekkjum í Íþróttahöllinni sem allra fyrst.
Einnig beinir fundurinn þeim tilmælum til bæjarstjórnar að leyfðar verði auglýsingar á gólfi Íþróttahallarinnar.

Bent var á að við lagningu parketgólfs í Íþróttahöllinni síðastliðið haust var lausi hluti áhorfendastúkunnar fjarlægður úr húsinu og að á síðasta keppnistímabili kom iðulega upp sú staða á handboltaleikjum að sætin í efri stúku Íþróttahallarinnar dugðu ekki fyrir þá áhorfendur sem komu og þurfti því oft að grípa til aðgerða, stólaburðar og uppsetningu bekkja til að koma fólki fyrir til bráðbirgða.

Á þessum tímum er félaginu nauðsynlegt að hafa allar klær úti til að fjármagna reksturinn og því er ekki að leyna að töluverð eftirspurn er eftir auglýsingum á gólfi vallarins. Eftir því sem okkur er tjáð er það nánast einsdæmi í slíkum keppnishúsum að ekki séu leyfðar gólfauglýsingar.

Auglýsingar sem þessar eiga ekki að þurfa að breyta eiginleikum gólfsins enda hægt að fá þær úr margvíslegum efnum.

Síðastliðinn föstudag barst eftirfarandi svar frá Akureyrarbæ þar sem báðum erindum er hafnað:

Stjórn Fasteigna Akureyrarbæjar getur ekki orðið við erindinu um bekki í Íþróttahöllina að sinni þar sem ekki er gert ráð fyrir þeim í fjárhagsáætlun. Einnig getur stjórnin ekki orðið við beiðninni um auglýsingar á gólfinu en felur starfsmönnum Fasteigna Akureyrarbæjar að ræða við Akureyri Handboltafélag um að leita annarra leiða við fyrirkomulag auglýsinga.

Það verður því áfram þröng á þingi á áhorfendapöllum Íþróttahallarinnar og forvitnilegt að sjá hvaða leiðir Akureyrarbær býður íþróttafólki við fyrirkomulag auglýsinga.

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson