Fyrsti sigur Akureyrar á tímabilinu staðreynd


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Hörður og Heimir voru yfirburðamenn í liðinu í kvöld		5. nóvember 2009 - Akureyri handboltafélag skrifar Fyrsti sigur Akureyrar á tímabilinu staðreynd Það var mikilvægur sigur sem Akureyri sótti á Seltjarnarnesið í kvöld og þar með er vonandi ísinn brotinn á þessu tímabili. Heimir Örn Árnason skoraði fyrsta mark leiksins og gaf þar með tóninn en Heimir átti flottan leik, sérstaklega í fyrri hálfleik þar sem hann sýndi allar sínar bestu hliðar. Gróttumenn komu sprækir til leiks og tóku frumkvæðið í leiknum, komust í 5-2 á meðan fátt gekk upp hjá Akureyri. Heimir var nánast eini maðurinn sem hélt haus í sóknarleiknum og jafnaði í 6-6 og Akureyri komst yfir í 6-7 og aftur í 7-8 en Grótta var sterkari á lokamínútum hálfleiksins og leiddi með tveim mörkum, 11-9 í hálfleik. Heimir skorar eitt af mörkum sínum í kvöld. Mynd: Fréttablaðið Af þessum níu mörkum skoraði Heimir Örn sex en þeir Guðlaugur, Hreinn og Oddur eitt hver. Hafþór byrjaði í markinu og varði fjögur skot, þar af eitt vítakast en Hörður Flóki kom inná og byrjaði með tilþrifum. Grótta jók muninn í þrjú mörk í upphafi seinni hálfleiks en þá tók Árni Sigtryggsson sig til og skoraði tvö góð mörk í röð og héldu menn að hann væri þar með að vakna til lífsins en því miður entist sá kippur ekki lengur. Akureyri náði að jafna leikinn í 14-14 og komst loks yfir í 16-17. Tveggja marka forysta náðist 18-20 og Akureyri virtist hafa þokkaleg tök á leiknum án þess þó að hrista Gróttumenn af sér. Það var smá titringur í mönnum á lokasekúndunum, Grótta minnkaði muninn í 21-22 og fengu tækifæri til að jafna en Hörður Flóki varði síðasta skot þeirra og Akureyri hélt út síðustu andartökin. Heimir og Hreinn standa vörnina í kvöld. Mynd: mbl.is Kærkominn sigur en einhvernveginn finnst manni liðið ekki ná að sýna hvað í því býr. Eins og áður segir var Heimir Örn Árnason allt í öllu í fyrri hálfleik og Hörður Flóki varði vel í seinni hálfleik og eiginlega bjargaði sigrinum með mikilvægum vörslum úr opnum færum. Mörk Akureyrar: Heimir Örn Árnason 6, Jónatan Magnússon 4 (2 víti), Heiðar Þór Aðalsteinsson 3, Árni Sigtryggsson 2, Guðlaugur Arnarsson 2, Oddur Gretarsson 2, Hreinn Hauksson 1 og Hörður Fannar Sigþórsson 1 mark. Hörður Flóki Ólafsson varði 11 skot, þar af eitt vítakast. Hafþór Einarsson 4, 1 vítakast. Við vitum að liðið er vel mannað en eitthvað virðist vanta upp á hugarfarið. Maður saknar meiri grimmdar í varnarleiknum og sóknarleikurinn í kvöld var á löngum köflum alls ekki nógu árangursríkur. Eftir sigurinn er Akureyri komið upp í 5. sæti deildarinnar. Næsti leikur er heimaleikur gegn Stjörnunni þann 12. nóvember og nú þurfa allir að leggjast á eitt og fylgja þessum sigri eftir. Árni með góðar gætur á Jóni Karli hornamanni Gróttu Mynd: Valli visir.is Jónatan Magnússon var tekinn tali af blaðamanni Vísis eftir leikinn og spurður hvort það hefði ekki orðið neyðarlegt að tapa fyrir eins þéttvöxnu liði og Grótta er? „Jú, því er ekki að neita að það hefði verið neyðarlegt. Það er líka dapurt að skora ekki fleiri mörk á þá,“ sagði Jónatan sem vildi samt hrósa Gróttuliðinu. „Þeir eru að spila mjög skynsamlega og vinna vel úr sínu. Eru ekki að henda frá sér boltanum í tíma og ótíma. Við ætluðum að vinna þennan leik og Stjörnuna næst. Við höfum æft vel núna og menn að koma til eftir veikindi og meiðsli,“ sagði Jónatan og bætti við að liðið ætli sér stóra hluti þrátt fyrir brösuga byrjun. „Við eigum möguleika á að gera einhverja hluti í vetur enda með hörkulið. Þessi sigur mun kveikja í okkur og við erum að styrkjast.“
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson