Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Rúnar þarf að taka á hugarfarsvanda leikmanna og læra af mistökunum

13. nóvember 2009 - Akureyri handboltafélag skrifar

Rúnar: „Mjög ánægður með markvörsluna í leiknum“

Augljóst var á svip Rúnars Sigtryggssonar þjálfara Akureyrar eftir leik að þungu fargi var af honum létt eftir að hafa landað fyrsta heimasigri vetrarins.
Jón Stefán Jónsson spurði Rúnar að því hvað hann væri ánægðastur með í leik liðsins í kvöld og svo hvað hann væri kannski ósáttur við?

„Ég var að sjálfsögðu mjög ánægður með markvörsluna og svo var ég ánægður með vörnina eftir að við fórum í 6-0 vörn. Við áttum reyndar slæman kafla í varnarleiknum og það má kannski skrifa það aðeins á það að ég hafi verið að skipta of mikið því einhverra hluta vegna misstum við taktinn um stund en það kom sem betur fer ekki að sök.“

Tekurðu undir þau orð að sóknarleikur liðsins hafi ágætur á köflum en þess í milli detti hann niður á alltof lágt plan?
„Ég vil meina að þetta sé mest megnis hugarfarslegt vandamál. Við komumst í 10-5 um miðjan fyrri hálfleik en í stað þess að halda áfram og keyra yfir andstæðingana af fullum krafti er eins og menn slaki á einhverra hluta vegna. Þetta sama gerist svo þegar um fimm mínútur voru eftir af leiknum. Á þessum kafla var líka mjög klaufalegt hjá okkur að spila einum manni færri síðustu tvær mínúturnar, við hefðum einfaldlega átt að leyfa þeirra manni bara að skora og spila jafn margir og tveimur mörkum yfir það sem eftir var leiks, það hefði verið mun auðveldara en að fá á sig brottrekstur og víti sem þeir skoruðu svo úr. En þetta kom ekki að sök í kvöld og menn koma til með að læra af mistökunum. Aðalmálið var að landa tveimur stigum,“ sagði Rúnar brosandi að lokum og er svo sannarlega óhætt að taka undir þau orð hans.


Rúnar og Sævar Árnason fylgjast með á bekknum

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson