Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Daníel Einarsson var frábær í dag bæði í sókn og vörn

18. september 2010 - Akureyri handboltafélag skrifar

Góður sigur á Val í Hafnarfjarðarmótinu - Akureyri í 2. sæti

Akureyri lék sinn síðasta leik á Hafnarfjarðarmótinu í dag þegar liðið mætti Val. Valsmenn höfðu tapað bæði gegn FH og Haukum en mættu býsna ákveðnir til leiks og leiddu svo til allan fyrri hálfleikinn. Akureyrarliðið virkað frekar kærulaust í fyrri hálfleik en í lok hans voru Valsarar tveim mörkum yfir 12-14.

Sveinbjörn stóð fyrir sínu í fyrri hálfleik með tíu skot varin og Hlynur Matthíasson átti góða innkomu í sóknarleiknum og skoraði þrjú mörk.

Það var síðan allt annað lið sem kom inná í seinni hálfleik, Akureyri skoraði fyrstu fimm mörk hálfleiksins og hreinlega keyrði yfir Val með öflugum varnarleik og sóknarleikurinn var með ágætum. Bjarni Fritzson og Daníel Einarsson voru flottir á hægri vængnum og röðuðu inn mörkum auk þess sem Oddur lét heldur betur að sér kveða.

Forysta Akureyrar varð mest átta mörk í stöðunni 31-23 en liðið slakaði aðeins á undir lokin og lauk leiknum með fimm marka sigri 35-30.

Allir leikmenn í hópnum fengu að spreyta sig og ljóst að margir efnilegir strákar eru tiltækir.

Mörk Akureyrar: Oddur Gretarsson 8, Bjarni Fritzson 7, Daníel Einarsson 6, Hörður Fannar Sigþórsson 4, Guðmundur Hólmar Helgason og Hlynur Matthíasson 3 mörk hvor, Heimir Örn Árnason 2, Bergvin Gíslason og Halldór Logi Árnason 1 mark hvor.
Sveinbjörn Pétursson varði 11 skot og Stefán Guðnason sem stóð vaktina seinni part seinni hálfleiks fjögur skot.

Í lokaleik mótsins sigruðu Haukar FH og tryggðu sér þar með sigur í mótinu.

Úrslit leikjanna:
FH – Valur 28-18
Haukar – Akureyri 22-18
Haukar – Valur 30-25
FH – Akureyri 28-32
Akureyri – Valur 35-30
FH – Haukar 19-24

Röð liðanna:
1. Haukar 6 stig
2. Akureyri 4 stig
3. FH 2 stig
4. Valur 0 stig

Í lok mótsins voru valdir menn mótsins og átti Akureyri þar tvo fulltrúa:
Sveinbjörn Pétursson markvörður mótsins, Bjarni Fritzson hægri hornamaður, Ólafur Guðmundsson FH, skytta, Atli Sigþórsson FH línumaður, Stefán Rafn Sigurmannsson Haukum vinstri hornamaður og maður mótsins.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson