Bubbi: „Ánægður að vera kominn aftur norður”


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Nokkur andlit Sveinbjörns Péturssonar		30. september 2010 - Akureyri handboltafélag skrifar Bubbi: „Ánægður að vera kominn aftur norður” Sveinbjörn Pétursson eða Bubbi eins og hann er kallaður er mættur aftur norður yfir heiðar til að spila með Akureyri eftir tveggja ára útlegð í HK. Við ákváðum að taka púlsinn á Bubba og spyrja hann út í heimkomuna og ýmislegt fleira henni tengt og ótengt. Bubbi segist fyrst og fremst vera sáttur: „Ég er ánægður að vera kominn aftur norður, hérna átti ég náttúrulega heima í átta ár, þannig að maður þekkir bæinn og fólkið hérna vel. Þó að margir sem voru í kringum mann séu fluttir héðan, er samt mjög gott að vera kominn aftur og ég hlakka til vetrarins. Hann segir ýmsar ástæður fyrir því að hann hafi komið heim. „Það voru nú alveg nokkrar ástæður fyrir því. Það hafði gengið á ýmsu utan vallar hjá mér fyrir sunnan, þó svo að mér hafi alltaf liðið vel hjá HK. En þegar ég heyrði af áhuga frá Akureyri og þau hjól fóru að snúast varð ég strax mjög spenntur fyrir hlutunum sem voru í gangi hjá félaginu. Þannig að þetta var tækifæri sem ég gat ekki látið fara framhjá mér. Ég tel að liðið eigi mikla möguleika á að gera góða hluti í vetur og ég vil taka mikinn þátt í því,” sagði Bubbi. Hefur margt breyst síðan þú varst síðast hjá félaginu? „Liðið hefur náttúrulega tekið miklum breytingum síðan ég var hérna síðast, Höddi, Oddur og Valdarnir eru þeir einu sem ég hef spilað með, Sævar var líka að þjálfa þegar ég var, þannig að maður þekkir hann nokkuð vel og hans dómgæslu,” svaraði Bubbi og brosti. Hann bætir við: „Hópurinn er mikið breyttur og einnig er Atli búinn að taka við liðinu. Svo er liðið farið að spila heimaleiki sína í Höllinni, sem er orðin þekkt fyrir mikla stemningu. Umgjörðin í kringum heimaleikina orðinn rosalega flott.” Nú átt þú næstum öll markvarðamet hjá félaginu þrátt fyrir að mjög öflugir markverðir hafi ávallt staðið í marki félagsins frá stofnun árið 2006. Hefur það einhverja þýðingu fyrir þig? „Vissulega er gaman að sjá það svona svart á hvítu að maður hafi staðið sig vel fyrir félagið, en ég stefni samt fyrst og fremst á það í vetur að gera allt sem ég get til að liðið vinni hvern leik, og ef ég set einhver met fyrir félagið í leiðinni þá er það bara skemmtilegur bónus,” sagði Bubbi hógvær. Hann segist ennfremur hafa bætt sig sem leikmaður síðan hann spilaði síðast með félaginu. „Ég er orðinn stöðugri í minni frammistöðu og hef líka bætt mig á þeim sviðum sem ég vildi bæta mig á. Ég er samt ekki nema 21 árs núna og á heilmikið eftir ólært, og vil bæta mig ennþá meira til þess að ég geti tekið næsta skref uppá við.” (Sjá metin og tölfræðina.) Svona að lokum, hvað gerir þú utanvallar í vetur? „Eins og er, þá er ég sérlegur aðstoðarmaður Odds með 7. og 8. flokk Þórs í handbolta og er líka með markmannsþjálfun hjá Þór. En það á ennþá eftir að finna fulla vinnu. Það er reyndar fínt að geta einbeitt sér bara að handboltanum til að byrja með,” svaraði okkar geðþekki markvörður Sveinbjörn „Bubbi” Pétursson að lokum. Sveinbjörn var í miklum ham síðast þegar hann spilaði í Höllinni, þá reyndar með HK.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson