
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Sveinbjörn var maður vallarins í kvöld

22. október 2010 - Akureyri handboltafélag skrifar

Glæsilegur sigur Akureyrar á Haukum í kvöld

Akureyri hafði ekki unnið Hauka á heimavelli í sögu félagsins þegar liðin mættust í Íþróttahöllinni í kvöld og raunar tapað síðustu heimaleikjum gegn Hafnfirðingum með miklum mun. Hafi hins vegar einhvertíman verið ástæða til bjartsýni gegn Haukum, þá var það í kvöld. Okkar menn hafa byrjað tímabilið einkar vel en Haukarnir farið lítið meira en sæmilega af stað.
Enda kom það á daginn að Akureyri vann leikinn og var sigurinn einkar sannfærandi.

Eitthvað virtist það ætla ganga brösuglega hjá mönnum að skora í kvöld, staðan eftir tíu mínútna leik var til að mynda ekki nema 2-1 en upp frá því fór nú aðeins að losna um og þá sér í lagi Hauka megin. Eftir um 20 mín leik í fyrri hálfeik höfðu Akureyringar náð 2 marka forskoti í 8-6 sem hélst út að hálfleik en þá var staðan 12-10 okkar mönnum í vil.

Hafi einhverntíman verið vafi á að Akureyri væri betra liðið í leiknum þá fór sá vafi allur í byrjun síðari hálfleiks þegar Akureyingar léku manni færri 4 af fyrstu 5 mínútunum vegna brottvísana en héldu samt forskoti sínu í tveimur mörkum. Enda kom það á daginn að þegar liðið var fullmannað á ný fór munurinn að aukast og var hann orðin fimm mörk 19-14 þegar tæplega korter var eftir af leiknum. Haukar komust næst niður í þriggja marka mun 10 mínútum fyrir leikslok en Akureyri jók muninn jafn harðan á ný og endaði á að landa tiltölulega þægilegum sigri 25-19.

Sigurinn geta Akureyringar fyrst og fremst þakkað frábærum varnarleik liðsins og stórbrotinni markvörslu frá besta manni vallarins í kvöld, Sveinbirni Péturssyni. Alls varði hann 22 skot og mörg þeirra á glæsilegan hátt. Eitthvað virtust Haukarnir líka smeykir við hann því þeir skutu hvað eftir annað yfir og framhjá markinu úr ágætis færum. Það herbragð Akureyringar að taka Björgvin Hólmgeirsson stórskyttu Haukanna úr umferð virtist koma gestunum á óvart og komst sóknarleikur þeirra eiginlega aldrei í gang í leiknum.

Í sókninni hjá var Bjarni Fritzson mjög góður og setti 8 mörk ásamt nokkrum stoðsendingum, en einnig var Heimir Örn virkilega góður og skynsamur í sínum aðgerðum. Oddur tók svo við keflinu þegar Heimir fór að þreytast seinni part leiksins.

Heilt yfir fínn leikur hjá Akureyrarliðinu sem spilaði nokkuð agaðan og góðan leik í kvöld og þá sérstaklega varnarlega. Sóknarleikurinn var ágætur en getur eflaust orðið betri.

Mörk Akureyrar: Bjarni Fritzson 8 (1 víti), Oddur Gretarsson 6 (1 víti), Heimir Örn Árnason 5, Geir Guðmundsson 4, Halldór Logi Árnason 2.

Markvarsla: Sveinbjörn Pétursson 22 þar af 1 víti.

Mörk Hauka: Þórður Rafn Guðmundsson 5 (3 víti), Freyr Brynjarsson 3, Björgvin Hólmgeirsson 3, Heimir Óli Heimisson 2, Gísli Jón Þórisson 2, Stefán Rafn Sigurmannson 2, Einar Örn Jónsson 1, Tjörvi Þorgeirsson 1.
Markvarsla: Birkir Ívar Guðmundsson 10 og Aron Rafn Eðvarðsson 10.

Glæsileg byrjun Akureyrar á tímabilinu er orðin staðreynd, fimm leikir, fimm sigrar þar af fjórir í deild og liðið situr eitt á toppi deildarinnar að minnsta kosti þar til á morgun þegar HK tekur á móti FH. Með sigri jafna FH-ingar okkar menn að stigum.

Ekki er hægt að skilja við leikinn í kvöld án þess að minnast á hina gríðarlega skemmtilegu stemmningu sem var í Höllinni í kvöld en um 800 manns mættu á leikinn og héldu uppi góðri stemmningu frá upphafi leiks til enda. Áfram svona Akureyringar, innan vallar sem og utan!!

Jón Stefán Jónsson

Staðan að lokinni 4. umferð

Nr.	Félag	Leikir	U	J	T	Mörk	Hlutfall	Stig		-
1.	Akureyri	4	4	0	0	126 : 102	24	8	:	0
2.	HK	4	3	0	1	130 : 130	0	6	:	2
3.	FH	4	3	0	1	125 : 104	21	6	:	2
4.	Fram	4	2	0	2	133 : 115	18	4	:	4
5.	Haukar	4	2	0	2	91 : 101	-10	4	:	4
6.	Afturelding	4	1	0	3	96 : 108	-12	2	:	6
7.	Selfoss	4	1	0	3	107 : 120	-13	2	:	6
8.	Valur	4	0	0	4	107 : 135	-28	0	:	8

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson