Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Stórskyttan Geir

6. janúar 2011 - Akureyri handboltafélag skrifar

Geir Guðmundsson frá keppni á næstunni

Geir Guðmundsson, leikmaður Akureyrar verður frá keppni á næstunni en hann greindist í vikunni með blóðtappa á byrjunarstigi í hægri handlegg. Þetta eru að sjálfsögðu slæmar fréttir fyrir alla og ekki síst fyrir Geir sem missir fyrir vikið af leikjum íslenska U-20 ára landsliðsins sem heldur til Serbíu í dag í undankeppni HM í handbolta.

Skapti Hallgrímsson, blaðamaður Morgunblaðsins ræddi við Geir í gærkvöldi.

Geir, sem er aðeins 17 ára, segist hafa fundið fyrst fyrir óþægindum um jólin en tók samt þátt í leikjum Akureyrarliðsins í deildarbikarkeppninni á milli jóla og nýárs. Á öðrum degi nýs árs fann hann aftur fyrir verk í hendinni og fór til skoðunar.

Þar sem Geir var á leið á landsliðsæfingu syðra daginn eftir var ákveðið að hann færi í nánari skoðun og á Landspítalanum kom í ljós hvers kyns var. „Mér var gefið blóðþynningarlyf um kvöldið og morguninn eftir var litarefni dælt í æðarnar, þá fannst reyndar ekki blóðtappi en ummerki um hann. Því er talið að hann hafi losnað um nóttina eftir að mér var gefið lyfið,“ sagði Geir við Morgunblaðið í gærkvöldi.

Ástæðan fyrir veikindunum virðist vera sú að bein og vöðvar hafi stækkað svo mikið á skömmum tíma að þeir hafi þrýst á æð í framanverðri öxlinni, á milli viðbeins og rifbeina. „Læknarnir spurðu hvort ég hefði notað stera; svona getur helst gerst ef maður gerir það. Ég gat svarað því neitandi með góðri samvisku og það var staðfest með blóðsýni,“ sagði Geir.

„Æðasérfræðingur sagði mér að ég þyrfti að vera á blóðþynningarlyfjum í 3 til 6 mánuði og eftir það þarf ég mjög líklega í aðgerð og hvíla mig í 4 vikur eftir það,“ segir Geir. Því er nokkuð ljóst að hann leikur ekki meira með Akureyri í vetur, en hann má þó byrja að æfa varlega á nýjan leik fljótlega og á að geta náð sér að fullu.


Hress Geir Guðmundsson á heimili sínu á Akureyri í gærkvöldi
Mynd: Skapti Hallgrímsson

Geir verður að sjálfsögðu í frekari rannsóknum á næstu dögum og heimasíðan sendir honum bestu kveðjur og von um góðan bata.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson