Bryndís Rún íþróttamaður Akureyrar árið 2010

Bryndís Rún Hansen sundkona úr Óðni hlaut titilinn Íþróttamaður Akureyrar 2010, en kjörinu var lýst í hófi í Ketilshúsinu fyrr í kvöld en Bryndís var sömuleiðis valinn íþróttamaður Akureyrar fyrir ári síðan. Í öðru sæti varð Oddur Gretarsson frá Akureyri Handboltafélagi og Jón Benedikt Gíslason íshokkímaður hjá SA varð þriðji.

Árið var glæsilegt hjá Bryndísi, hún vann þrjá Íslandsmeistaratitla, er tvöfaldur Íslandsmethafi og fjórfaldur stúlknamethafi. Bryndís vann sér inn keppnisrétt á fyrstu Ólympíuleika ungmenna sem fram fóru í Singapore í ágúst 2010. Þá vann hún sér inn keppnisrétt á EM25 (Evrópmeistaramótið í 25m laug) í Eindhoven í Hollandi í nóvember með A landsliði Íslands.

Bryndís Rún var ekki viðstödd athöfnina í kvöld þar sem hún er farin til Noregs þar sem hún hyggst dvelja næstu tvö árin við nám í íþróttaskóla, auk þess sem hún mun æfa sund af kappi með Bergensvømmerne.

Við óskum Bryndísi Rún til hamingju með titilinn.

Alls voru eftirtaldir 15 íþróttamenn tilnefndir af aðildarfélögum ÍBA:

Atli Sigurjónsson, knattspyrnumaður í Þór
Baldvin Ari Guðlaugsson, hestamaður í Létti
Birna Baldursdóttir, blakkona í KA
Bjarki Sigurðsson, akstursíþróttamaður í KKA akstursíþróttafélagi
Bryndís Rún Hansen, sundkona í Sundfélaginu Óðni
Finnur Steingrímsson, skotmaður í Skotfélagi Akureyrar
Heiða Hansdóttir, fimleikakona í Fimleikafélagi Akureyrar
Ivalu Birna Falck-Petersen, badmintonkona í Tennis- og badmintonfélagi Akureyrar
Íris Guðmundsdóttir, skíðakona í Skíðafélagi Akureyrar
Jón Benedikt Gíslason, íshokkímaður í Skautafélagi Akureyrar
Oddur Gretarsson, handknattleiksmaður í Akureyri handboltafélagi
Rannveig Oddsdóttir, langhlaupari í Ungmennafélagi Akureyrar
Sigurður Seán Sigurðsson, siglingamaður í Siglingaklúbbnum Nökkva
Stefán Bjarnhéðinsson, akstursíþróttamaður í Bílaklúbbi Akureyrar
Örvar Samúelsson, kylfingur í Golfklúbbi Akureyrar