Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Valsmenn hafa oftast allra orðið Íslandsmeistarar, 21 sinnum

31. janúar 2011 - Akureyri handboltafélag skrifar

Mótherjar okkar á fimmtudaginn: Valur

Nú þegar heimsmeistarakeppninni er lokið hefst slagurinn í N1 deildinni hér heima að nýju. Fyrsta viðureignin fer einmitt fram hér í Íþróttahöllinni á fimmtudaginn þegar Akureyri Handboltafélag tekur á móti Valsmönnum.

Valsmenn byrjuðu Íslandsmótið illa, töpuðu fyrstu sex leikjum sínum en hafa heldur betur tekið sig saman í andlitinu upp á síðkastið og hafa unnið fjóra af síðustu fimm leikjum. Í síðustu umferð stöðvuðu þeir einmitt sigurgöngu Framara með eftirminnilegum hætti.

Valsliðið er mjög vel mannað og því kemur þessi viðsnúningur ekki á óvart. Þjálfaraskipti urðu hjá Val einmitt á þessum tíma en Júlíus Jónasson lét af störfum og í hans stað tók við liðinu Óskar Bjarni Óskarsson sem hafði stýrt liðinu þar á undan.

Valsmenn eru í dag í 6. sæti deildarinnar og munu án efa leggja allt í sölurnar til að sigra topplið Akureyrar og halda áfram að fikra sig upp stigatöfluna.

Það verður forvitnilegt að sjá hvernig liðin koma til leiks eftir sjö vikna hlé frá deildarkeppninni. Væntanlega hafa Valsmenn leikið fjölda æfingaleikja en Akureyrarliðið fór reyndar eina æfingaferð suður og lék við Aftureldingu og HK.

Valsmenn hafa verið að fá lykilmenn sína úr meiðslum og eflaust á það sinn þátt í velgengni liðsins í síðustu leikjum. Þannig er markvörðurinn Hlynur Morthens mættur til leiks og munar svo sannarlega um minna. Þá er skyttan Ernir Hrafn Arnarson loksins kominn í sitt besta form eftir langa meiðslasögu og hefur raðað inn mörkum í síðustu leikjum og er orðinn markahæsti leikmaður liðsins. Sömuleiðis virðist hinn frábæri Valdimar Þórsson hafa fundið taktinn á ný eftir dapra byrjun í vetur og þá er ekki að sökum að spyrja. Reyndar er spurning um þátttöku Valdimars í leiknum á fimmtudaginn því að hann fékk rautt spjald með skýrslu í síðasta leik (gegn Fram) og er því í leikbanni.
Í vinstra horninu hjá Val er enginn annar en Sturla Ásgeirsson, landsliðskandidat sem gekk í raðir Valsmanna síðastliðið sumar. Sturla var eins og fleiri liðsmenn í meiðslavandræðum framan af móti en kom sterkur inn í síðustu leikjum og var eins og kunnugt er í 19 manna æfingahópi landsliðsins fyrir HM.
Okkar fyrrum félagi, Heiðar Þór Aðalsteinsson er einnig í vinstra horninu hjá Val þannig að sú staða er vel mönnuð. Sjónvarpsstjarnan Anton Rúnarsson er ekki bara með klístur í hárinu heldur á fingrunum líka og er einn markhæsti maður liðsins það sem af er móti.


Hlynur, Ernir, Sturla, Heiðar Þór og Anton

Valsmenn hafa aldrei verið auðveldir viðureignar og skemmst að minnast þess að síðast þegar liðin mættust hér á Akureyri, í úrslitakeppninni síðastliðið vor fóru þeir með sigur af hólmi og varð það tap til þess að Akureyri fór ekki í úrslitarimmuna gegn Haukum. Nú er kjörið tækifæri fyrir Akureyringa að kvitta fyrir þann leik.

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson