Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni og Sveinbjörn höfðu ástæðu til að fagna í leikslok



15. febrúar 2011 - Akureyri handboltafélag skrifar

Akureyri komið í úrslitaleik bikarkeppninnar - umfjöllun

Laugardalshöllin bíður Akureyringa eftir virkilega góðan sigur á FH í gærkvöld í undanúrslitum Eimskipsbikarkeppninnar fyrir framan fulla Höll af fólki sem var svo sannarlega vel með á nótunum og studdi okkar menn til sigurs.

FH skoraði fyrsta mark leiksins en það var í eina skiptið í leiknum sem þeir voru yfir, því upp frá því sýndu Akureyringar að þeir ætluðu sér í bikarúrslitaleikinn, sem verður sá fyrsti í sögu félagsins.

Leikurinn í gærkvöld var nokkuð jafn framan af, en Akureyri náði að breyta stöðunni úr 4-3 sér í vil í 8-4 með góðum kafla um miðbik fyrri hálfleiks og dugði sá munur þeim til hálfleiks en þá var staðan 13-9, þægileg forysta en allt gat gerst.

Fyrsta korterið í síðari hálfleik má svo segja að Akureyri hafi klárað dæmið með því að komast í sjö marka forskot 20-13. FH-ingar tóku þá leikhlé sem virtist hafa góð áhrif því þeir skoruðu næstu þrjú mörk og þá tók Akureyri leikhlé. Það leikhlé virtist þó ekki ætla að skila miklum árangri því FH minnkaði muninn niður í eitt 21-20 og enn var um ein og hálf mínúta eftir. Þá skoraði Bjarni Fritzson hins vegar gríðarlega mikilvægt mark í kjölfar góðrar markvörslu frá Sveinbirni Péturssyni í markinu, staðan orðin 22-20 og um mínúta eftir. Leikurinn endurtók sig svo, það er að segja Sveinbjörn varði og Bjarni skoraði um 30 sekúndum fyrir leikslok og sigurinn gulltryggður, Akureyri á leið í Laugardalshöll í bikarúrslit!

Vörn Akureyrar í gær var hreint stórkostleg allan leikinn og ekki var verra að Sveinbjörn var að vanda frábær í markinu. Sóknin gekk ágætlega í 45 mínútur en síðustu 15 mínútur var greinilega komin töluverð þreyta í liðið enda tekur það mikla orku að spila svona öflugan varnarleik. Það kom þó ekki að sök því sigrinum var landað við gríðarlegan fögnuð leikmanna og áhorfenda.


Það var létt yfir áhorfendum í leikslok

Akureyri Handboltafélag er því á leið í sinn stærsta leik í sögunni þann 26. febrúar næst komandi og nú er um að gera fyrir alla stuðningsmenn Akureyrar að tryggja sér miða á leikinn sem fyrst!

Jón Stefán Jónsson


Sigurhringurinn tekinn með tilþrifum

Sjá fleiri myndir frá leiknum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson