Sætaferðir á úrslitaleik Eimskipsbikarsins 26. febrúar

Það hefur væntanlega ekki farið framhjá neinum að Akureyri Handboltafélag leikur til úrslita gegn Val í Eimskipsbikarnum í Laugardalshöllinni laugardaginn 26. febrúar.

Akureyri handboltafélag hefur ekki áður komist í úrslit bikarkeppninnar en annar forveri þess, KA, náði þeim áfanga að verða þrisvar sinnum bikarmeistari, 1995, 1996 og 2004.

Þeir sem hafa upplifað stemminguna á slíkum úrslitaleik vilja örugglega ekki missa af þessu tækifæri og því hafa Sérleyfisbílar Akureyrar (SBA) ákveðið að bjóða upp á sætaferðir á leikinn.

Farið verður frá Íþróttahöllinni á Akureyri klukkan 8:00 á laugardaginn 26. febrúar og heim aftur fljótlega að leik loknum. Sætaverð er 4.000 krónur.

Það er vissara að tryggja sér sæti sem fyrst en hægt er að bóka sæti í ferðina gegnum vefinn.

Smelltu hér til að bóka sæti í ferðina.