Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni og Ásbjörn voru markhæstir í sínum liðum

17. febrúar 2011 - Akureyri handboltafélag skrifar

Sveinbjörn tryggði Akureyri annan sigur á FH

Akureyri og FH hafa séð bæjarbúum fyrir frábærri skemmtun með tveimur háspennuleikjum í vikunni þar sem síðustu mínútur leikjanna hafa varla verið fyrir hjartveika. Við birtum hér umfjöllun Hjalta Þórs Hreinssonar, blaðamanns Fréttablaðsins um leikinn í kvöld.

Mögnuð markvarsla frá Sveinbirni Péturssyni tryggði Akureyri ótrúlegan eins marks sigur á FH í N1-deild karla í kvöld. Hann varði úr dauðafæri frá Ólafi Guðmundssyni á lokasekúndunni og sá til þess að Akureyri vann eins marks sigur, 25-24.

Akureyringar hefðu getað leitt með meira en fjórum mörkum í hálfleik. Þeir spiluðu frábæra vörn og Sveinbjörn varði þrettán skot í fyrri hálfleik. Liðið fór nokkrum sinnum mjög illa með boltann í sókninni.

Vörnin var aftur á móti aðalsmerki liðsins eins og svo oft áður. Guðlaugur Arnarsson fór þar fremstur í flokki, ásamt Heimi, sem var töluvert betri í vörn en sókn í fyrri hálfleiknum. Á meðan vantaði allt hugmyndaflug í sókn FH og flæðið var lítið sem ekkert.

Akureyri var 10-5 yfir eftir 20 mínútur og leiddi svo 13-9 í hálfleik.

Akureyringar virtust ætla að keyra yfir FH í upphafi seinni hálfleiks og náðu sex marka forskoti, 16-10. En FH gafst ekki upp og minnkaði muninn meðal annars í þrjú mörk, 19-16. Þá var síðari hálfleikur hálfnaður.


Oddur Gretarsson sneri ökkla og varð að horfa á seinustu tuttugu mínútur leiksins

FH minnkaði muninn niður í eitt mark þegar fimm mínútur lifðu leiks. Kæruleysi Akureyringa var algjört og sóknin þeirra hrundi. Að sama skapi datt vörnin líka niður og þrátt fyrir fína innkomu Stefáns Guðnasonar skoraði FH grimmt.

Liðin skiptust á að skora en Akureyri var alltaf á undan. Þegar tvær mínútur lifðu leiks var Akureyri tveimur mörkum yfir, tapaði boltanum og FH skoraði. Ein og hálf mínúta eftir og Akureyri í sókn, einu marki yfir.

Pálmar varði eftir langa sókn, hálf mínúta eftir og FH með boltann, marki undir. Ólafur Guðmundsson spólaði sig í gegn en Sveinbjörn varði hreint fáránlega og tryggði Akureyri magnaðan eins marks sigur.

Lokatölur 25-24.

Sveinbjörn er hetjan í dag en karakter Akureyringa var aðalsmerki liðsins. FH var aftur á móti lengi í gang og hlýtur þetta að vera áhyggjuefni fyrir Kristján Arason þjálfara. Liðið spilaði af eðlilegri getur í um 20 mínútur, ekki meira en það.


Bjarni Fritzson átti stórleik og skoraði 9 mörk

Mörk Akureyrar: Bjarni Fritzson 9 (3 úr vítum), Guðmundur Hólmar Helgason 4 , Oddur Gretarsson 4, Hörður Fannar Sigþórsson 3, Daníel Einarsson 2, Guðlaugur Arnarsson 1, Bergvin Gíslason 1 og Heimir Örn Árnason 1.

Varin skot: Sveinbjörn Pétursson 20 (54%), Stefán Guðnason 4 (40%).

Hraðaupphlaup: 7 (Oddur 3, Guðmundur 2, Guðlaugur, Bjarni).
Fiskuð víti: 3 (Oddur, Daníel, Guðmundur).
Utan vallar: 6 mínútur.

Mörk FH: Ásbjörn Friðriksson 7 (5 víti), Ólafur Guðmundsson 5, Örn Ingi Bjarkason 4, Baldvin Þorsteinsson 3, Atli Steinþórsson 2, Ólafur Gústafsson 2, Ari Þorgeirsson 1.

Varin skot: Pálmar Pétursson 16 (40%), Daníel Andrésson 0.

Hraðaupphlaup: 3 (Ólafur Guðmundsson 3)
Fiskuð víti: 5 (Baldvin, Örn, Atli, Ásbjörn).
Utan vallar: 10 mínútur.

Dómarar: Gísli Jóhannsson og Hafsteinn Ingibergsson. Sæmilegir.

Örn Ingi Bjarkason var valinn maður FH liðsins en Bjarni Fritzson maður leiksins hjá Akureyri og fengu báðir veglega matarkörfu frá Norðlenska að launum.


Sigrarnir verða ekki sætari en þetta

Eftir leiki kvöldsins hefur Akureyri sex stiga forystu á toppi deildarinnar en Fram tapaði fyrir Haukum í kvöld. Eins og sést hér á eftir er FH komið í 4. sæti deildarinnar sem þýðir að Akureyri og FH mætast í þriðja leiknum í röð á mánudaginn en sá leikur verður í Hafnarfirði.

Staðan í deildarkeppni karla
Nr. FélagLeikir U J TMörkHlutfallStig-
1. Akureyri141211415 : 3635225:3
2. Fram14914454 : 4045019:9
3. HK14905425 : 427-218:10
4. FH14815401 : 3722917:11
5. Haukar14725362 : 354816:12
6. Valur14509360 : 394-3410:18
7. Afturelding142012349 : 392-434:24
8. Selfoss141112389 : 449-603:25
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson