Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Halldór skoraði 5 mörk í dag en það dugði skammt

7. maí 2011 - Akureyri handboltafélag skrifar

2. flokkur tapaði úrslitaleiknum gegn Haukum

Nú rétt í þessu var að ljúka úrslitaleik Akureyrar og Hauka um Íslandsmeistaratitilinn í 2. flokki. Það má með sanni segja að Akureyringar hafi mætt seint til leiks og Haukar hafi allan tímann átt skilið að sigra.

Haukar náðu mest 7 marka forskoti í fyrri hálfleik, en staðan í hálfleik var 12-18. Varnarleikur Akureyrar var ekki nógu góður og markvarslan var engin, á sama tíma stóðu Haukar vörnina vel og fengu mjög góða markvörslu.

Akureyringar náðu að byrja síðari hálfleikinn af krafti og minnkuðu muninn niður í 16-19 strax eftir fjórar mínútur en þá gáfu Haukarnir bara aftur í og skoruðu þrjú mörk í röð. Munurinn hélst svo í 5-7 mörkum það sem eftir lifði leiks þangað til að um 6 mínútur voru eftir. Þá loksins kviknaði líf í okkar mönnum og þeir fóru að minnka forskot Hauka. Liðið fékk smá markvörslu og menn fengu smá trú á verkefnið. Hinsvegar kom þessi kafli bara of seint og Haukar fögnuðu sigri 31-33.

2. flokkur Akureyrar þarf því að sætta sig við silfrið fjórða árið í röð, sem er vissulega frábær árangur þó erfitt sé að sætta sig við tap í úrslitaleik.

Halldór Örn Tryggvason, Ólafur Magnússon, Guðmundur Hólmar Helgason og Bergvin Gíslason skoruðu allir 5 mörk í dag. Markmenn Akureyrar vörðu samtals 10 skot, þar af 4 á síðustu mínútum leiksins.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson