U-19 Ísland í 9. sæti eftir magnaðan sigur á Hvít-Rússum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Geir, Ásgeir og Gummi kláruðu mótið með stæl		8. júlí 2011 - Akureyri handboltafélag skrifar U-19 Ísland í 9. sæti eftir magnaðan sigur á Hvít-Rússum U-19 ára landslið karla sigraði í dag Hvíta-Rússland 30-29 eftir vítakeppni í leik um 9.sætið á Opna Evrópumótinu sem fer fram í Gautaborg. Hvíta-Rússland byrjaði leikinn mun betur var eins og íslenska liðið væri hreinlega ekki mætt til leiks og eftir aðeins fimm mínútur voru þeir búnir að ná þriggja marka forystu 4-1. En þá vaknaði íslenska liðið og á næstu tíu mínútum voru þeir búinir að ná að jafna metin 6-6. En það kostaði mikla orku að ná þessum mun upp sem og að Hvít-Rússar voru líka skrefi framar í sínum aðgerðum og höfðu tveggja marka forystu í hálfleik 13-11. Seinni hálfleikurinn byrjaði nákvæmlega eins og sá fyrri en það var eins og íslenska liðið væri bara enn inní klefa fyrstu fimm mínúturnar en á þeim tíma juku Hvít-Rússar forystuna upp í fjögur mörk 16-12. En íslenska liðið sýndi mikinn karakter og náði að vinna upp þennan mun hægt og rólega en þegar 15 mínútur voru liðnar af hálfleiknum var forysta Hvít-Rússa aðeins eitt mark 19-18. Þegar fimm mínútur voru eftir af leiknum náði íslenska liðið að komast yfir í fyrsta skipti 20-19 og var það ekki síst virkilega góðum varnarleik að þakka sem Ásgeir og Bjartur stýrðu af miklum myndarskap. Mikil barátta var síðustu fimm mínúturnar og fór svo að lokum að eftir venjulegan leiktíma var staðan jöfn 21-21. Íslenska liðið byrjaði framlenginun einum leikmanni færri en strákarnir létu það ekki hafa nein áhrif á sig og héldu áfram að spila fanta vörn auk þess sem Sigurður var öflugur í markinu fyrir aftan þá. Þegar hálfleiksflautið gall hafði íslenska liðið þriggja marka forystu 24-21. Aftur byrjaði íslenska liðið einum færri en þrátt fyrir það náðu þeir að skora og komu þessu í fjögurra marka forystu 25-21, en þá breyttu Hvít-Rússar um vörn og fóru að spila framarlega og sóknarleikur íslenska liðsins riðlaðist töluvert og náði það ekki að skora mark það sem eftir var af framlengingunni. Þegar fimm sekúndur voru eftir af framlengingunni átti Hvíta-Rússland fríkast fyrir miðjum velli, þeir tóku það og náðu skoti að markinu rétt fyrir utan punktalíknu og boltinn lak framhjá Sigurði í markinu og því þurfi að grípa til „vítakastkeppni“. Þessi vítakastkeppni fór þannig fram að leikmaður þurfti að gefa á markmann og svo fá langa sendingu yfir völlinn, þá má útileikmaður bara taka þrjú skref og skjóta. Boltinn má aldrei snerta gólf. Hvíta-Rússland byrjaði þessa keppni og er henni lýst í stuttu máli hér: 1-0 1-1 Leó 2-1 2-2 Víglundur 3-2 3-3 Magnús 4-3 4-4 Garðar 4-4 Hvít-Rússi sendi gólfsendingu á markmann en dómara gerðu engar athugasemdir við það og dæmdu markið gilt en vökul augu á bekk Íslendinga tóku eftir þessu og mótmæltu hástöfum. Mikil reikistefna átti sér stað við tímavarðarborðið og var það ekki fyrr en atvikið var skoðað á myndbandi að menn sáu að þetta rangt framkvæmd og því markið dæmt ógilt. 4-5 Ísak. Íslenska liðið vann þar með leikinn 30-29 og var fögnuður íslenska liðsins gríðarlegur enda liðið búið að ná 9. sætinu og unnið 5 leiki af 7 á mótinu. Það sem einkenndi liðið í öllum sigurleikjunum var gríðarlega góður varnarleikur og mikill karakter. Markaskorarar Íslands í dag: Sveinn Aron Sveinsson 9/3 Ísak Rafnsson 5 Geir Guðmundsson 3 Víglundur Þórsson 3 Magnús Óli Magnússon 2 Garðar Sigurjónsson 2 Árni Benedikt Árnason 1 Varin skot: Sigurður Ingiberg Ólafsson 16 Sjá leikskýrsluna. Sjá stöðu og úrslit leikja á mótinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson