
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Þá er fyrsta keppnisdegi lokið

8. september 2011 - Akureyri handboltafélag skrifar

Opna Norðlenska - fyrsti keppnisdagur, úrslit

Opna Norðlenska 2011 hófst í dag með þrem leikjum en úrslit lekjanna réðu því hvaða lið mætast í riðlakeppninni á morgun, laugardag.

Úrslit leikjanna í dag voru sem hér segir:
Akureyri – Afturelding 34 – 18 (14 – 6)
Stjarnan – Valur 20 – 35 (7 – 18)
ÍR – Haukar 23 – 28 (12 – 11).

Þar með er ljóst að Akureyri, Valur og ÍR verða í riðli 1 en Afturelding, Stjarnan og Haukar í riðli 2.

Föstudagsleikirnir verða þá sem hér segir:

13:00	Afturelding	Stjarnan
14:30	Akureyri	ÍR
16:00	Afturelding	Haukar
17:30	Valur	ÍR
19:00	Stjarnan	Haukar
20:30	Akureyri	Valur

Akureyri – Afturelding
Það var ljóst frá fyrstu mínútu að þessi leikur yrði ekki spennandi því að yfirburðir Akureyrarliðsins voru miklir. Vörnin var feykilega sterk og Sveinbjörn í banastuði fyrir aftan hana. Oddur Gretarsson og Bergvin Gíslason voru iðnir við markaskorunina, Oddur með sex mörk og Bergvin með fjögur.

Munurinn jókst stöðugt í seinni hálfleik þar sem Hörður Fannar Sigþórsson fór á kostum, skoraði sex mörk af línunni, Bergvin hélt uppteknum hætti og bætti við fjórum mörkum auk þess sem ungu strákarnir, Hlynur Matthíasson, Valþór Guðrúnarson, Jóhann Gunnarsson og Jón Heiðar Sigurðsson komu sterkir inn. Markvarslan hjá Sveinbirni og Stefán Guðnasyni var með miklum ágætum en Stefán varði m.a. tvö vítaköst.
Niðurstaðan var öruggur sigur Akureyrar 34 – 18 þrátt fyrir að nokkra máttarstólpa hafi vantað í liðið. Bjarni Fritzsson er ekki orðinn góður af sínum meiðslum og Daníel Einarsson er ekki leikhæfur auk þess sem Guðmundur Hólmar Helgason og Ásgeir Jóhann Kristinsson eru erlendis í útskriftarferð.

Mörk Akureyrar: Oddur Gretarsson 9 (2 víti), Bergvin Gíslason 8 (1 víti), Hörður Fannar Sigþórsson 6, Geir Guðmundsson og Hlynur Matthíasson 3 mörk hvor, Heiðar Þór Aðalsteinsson 2, Guðlaugur Arnarsson, Jóhann Gunnarsson og Valþór Guðrúnarsson 1 mark hver.
Markvarsla: Sveinbjörn Pétursson varði 18 skot og Stefán Guðnason 7, þar af 2 vítaköst eins og áður segir.

Geir Guðmundsson er mættur til leiks á ný og sækir hér að Aftureldingarmarkinu

Stjarnan – Valur
Leikurinn þróaðist svipað og upphafsleikurinn, Valsmenn réðu algjörlega ferðinni og höfðu ellefu marka forystu í hálfleik, 7 – 18. Yfirburðir Vals héldu áfram í seinni hálfleik þó að Stjarnan hafi klórað í bakkann og lauk leiknum með fimmtán marka sigri Vals, 20 – 35. Markaskorun Valsmanna dreifðis mikið en alls skoruðu tólf leikmanna liðsins í leiknum.

Sigfús er mættur í hjarta Valsvarnarinnar

ÍR – Haukar
Síðasti leikur dagsins varð býsna spennandi. ÍR ingar léku frábærlega í fyrri hálfleik á meðan Haukarnir virtust ekki vera mættir til leiks. ÍR náði sex marka forystu í upphafi leiks og það var ekki fyrr en undir lok hálfleiksins sem Haukar komust inn í leikinn og náðu að saxa forystu ÍR inga niður í eitt mark en hálfleiksstaðan var 12 – 11 fyrir ÍR.
Markvarslan hjá ÍR var til fyrirmyndar í fyrri hálfleik og reyndar geta Haukar þakkað Birki Ívari að staðan var ekki verri í hálfleik en hann varða a.m.k. fjögur hraðaupphlaup í hálfleiknum.
Í seinni hálfleik náðu Haukarnir fljótlega að jafna og ná yfirhöndinni án þess þó að hrista ÍR ingana af sér. Mestu munaði að Stefán Rafn náði sér á strik, skoraði sex mörk en ekkert í þeim fyrri.

Haldór Logi Árnason var öflugur með ÍR liðinu

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson