
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Geir minnti vel á sig í Mosfellsbænum

26. september 2011 - Akureyri handboltafélag skrifar

Góður sigur í fyrsta leik Íslandsmótins

Akureyri gerði góða ferð í Mosfellsbæinn í kvöld þegar leikin var fyrsta umferðin í N1 deild karla. Mosfellingar reyndust Akureyringum erfiðir á síðustu leiktíð, unnu síðasta leik liðanna hér í Höllinni og Akureyri mátti þakka fyrir eins marks sigur í Mosfellsbænum.

Það leit út fyrir að sagan ætlaði að endurtaka sig í upphafi leiksins, Mosfellingar komust í 2-0 áður en Akureyri komst á blað. En þá komu líka þrjú Akureyrarmörk í röð og í kjölfarið jafnt á öllum tölum upp í stöðuna 7-7. En þá skildu leiðir, Akureyri breytti stöðunni í 8-13 með öflugum varnarleik og fínum sóknarleik. Staðan í hálfleik var síðan 10-16 Akureyri í vil.
Oddur Gretarsson, Bjarni Fritzson og Guðmundur Hólmar voru aðsópsmiklir í markaskoruninni í fyrri hálfleik auk þess sem Sveinbjörn varði vel í markinu.

Oddur og Guðmundur fagna marki í Mosfellsbænum. Mynd Hilmar Þór sport.is

Bjarni Fritzson í rökræðum um dómgæsluna. Mynd Hilmar Þór sport.is

Svipaður munur hélst á liðunum í seinni hálfleik en á síðust tíu mínútunum breytti Akureyri stöðunni úr 19-24 í 20-31 og öruggur sigur staðreynd.

Sigurinn kostaði þó sitt, Heimir Örn Árnason, fyrirliði sem lék reyndar ekkert í fyrri hálfleik kom inná í smástund, fékk högg á hnéð og varð að yfirgefa völlinn. Það var reyndar vitað að Heimir þyrfti að fara í aðgerð á næstunni en nú er ljóst að það verður ekki umflúið.

Guðlaugur barði vörnina saman. Mynd Hilmar Þór sport.is

Þá varð uppi fótur og fit í upphafi seinni hálfleiks þegar Guðmundur Hólmar Helgason kenndi sér skyndilega mikillar ógleði, hljóp útaf og kastaði upp aftan við varamannabekk Akureyrarliðsins. Leikurinn var stöðvaður á meðan ælan var hreinsuð upp. Guðmundur kom síðan inná aftur nokkru síðar og skoraði tvö mörk til viðbótar.

Mörk Akureyrar: Oddur Gretarsson 10, Guðmundur Hólmar Helgason 5, Bjarni Fritzson 4, Geir Guðmundsson 4, Bergvin Gíslason 3, Heiðar Þór Aðalsteinsson 3, Hörður Fannar Sigþórsson 2.
Sveinbjörn Pétursson stóð í markinu allan leikinn og átti fínan leik, 14 skot varin og mörg þeirra úr dauðafærum.

Mörk Aftureldingar: Jóhann Jóhannsson 5, Þrándur Gíslason 4, Daníel Jónsson 2, Sverrir Hermansson 2, Jón Andri Helgason 2, Eyþór Vestmann 2, Einar Héðinsson 1, Hilmar Stefánsson 1, Pétur Júníusson 1.
Hafþór Einarsson átti að vanda góðan leik í markinu og varði ein 14 skot Akureyrarliðsins.

Bergvin Gíslason tekur vel á Þrándi Gíslasyni, línumanni Aftureldingar. Mynd Hilmar Þór sport.is

Okkar maður á staðnum sagði að þrátt fyrir góðan sigur þá væri ljóst að ýmislegt ætti eftir að slípa saman enda liðið ekki fengið marga leiki í haust fullskipað. Þá valdi hann Geir Guðmundsson besta mann liðsins í leiknum.

Atli Hilmarsson hugsi á bekknum. Mynd Hilmar Þór sport.is

Við minnum á fysta heimaleikinn sem er strax á fimmtudaginn, klukkan 19:00 en þá koma Íslandsmeistarar FH í heimsókn og öruggt að þar verður ekkert gefið eftir. FH tapaði í kvöld nokkuð óvænt fyrir Fram á heimavelli þannig að þeir mæta örugglega í miklum ham í Íþróttahöllina.

Staðan eftir fyrstu umferðina er þá þannig:

Nr.	Félag	Leikir	U	J	T	Mörk	Hlutfall	Stig		-
1.	Akureyri	1	1	0	0	31 : 20	11	2	:	0
2.	Fram	1	1	0	0	28 : 23	5	2	:	0
3.	Haukar	1	1	0	0	27 : 22	5	2	:	0
4.	Grótta	1	0	1	0	21 : 21	0	1	:	1
5.	Valur	1	0	1	0	21 : 21	0	1	:	1
6.	FH	1	0	0	1	23 : 28	-5	0	:	2
7.	HK	1	0	0	1	22 : 27	-5	0	:	2
8.	Afturelding	1	0	0	1	20 : 31	-11	0	:	2

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson