
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Bjarni Fritzson var markahæstur í kvöld

13. október 2011 - Akureyri handboltafélag skrifar

Dramatískt tap gegn Haukum

Það munaði grátlega litlu að Akureyri tæki stig á Ásvöllum í kvöld gegn Haukum. Birkir Ívar varði síðasta skot leiksins og kom þannig í veg fyrir jafntefli. Auk þess fóru fimm vítaköst Akureyrarliðsins forgörðum í leiknum og það kostaði sitt.

Haukar byrjuðu betur og náðu mest fjögurra marka forskoti 9-5 og síðan aftur 13-9 en Akureyri gafst aldrei upp og minnkuðu muninn niður í 13-12 og hálfleikstölur voru 14-13.

Aftur byrjuðu Haukarnir betur í seinni hálfleik og komust í 18-14 en þrjú norðanmörk í röð minnkuðu muninn í 18-17. Þegar níu mínútur voru eftir af leiknum jafnaði Bjarni Fritzson í 20-20 og lokamínúturnar urðu æsispennandi.

Haukarnir urðu alltaf fyrri til að skora en eins og kemur fram í upphafi þá varði Birkir Ívar síðasta skot leiksins og tryggði Haukum þar með sigurinn.

Akureyrarliðið lék á köflum mjög vel í dag og skapaði sér góð færi en afleit nýting á vítalínunni fór með sigurmöguleikana, einungis nýttust tvö víti af sjö sem liðið fékk.

Sveinbjörn Pétursson sýndi magnaðan leik í markinu og Hreinn Þór Hauksson kom sterkur inn í vörnina, beint úr flugi frá Svíþjóð.

Hreinn var magnaður í vörninni í kvöld. Mynd: Snorri Sturluson Sport.is

Mörk Akureyrar: Bjarni Fritzson 8 (1 víti), Oddur Gretarsson 5 (1 víti), Geir Guðmundsson 4, Bergvin Gíslason 2, Guðmundur Hólmar Helgason 2 og Halldór Örn Tryggvason 1.
Sveinbjörn Pétursson varði 14 skot og var valinn maður leiksins hjá Akureyri.

Mörk Hauka: Heimir Óli Heimisson 7, Tjörvi Þorgeirsson 4, Stefán Rafn Sigurmannsson 4, Nemanja Malovic 3, Freyr Brynjarsson 2 , Þórður Rafn Guðmundsson 2, Gylfi Gylfason 1.
Birkir Ívar Guðmundsson varði 21 skot og þar á meðal 4 vítaköst.

Næsti leikur Akureyrar er næstkomandi fimmtudag, heimaleikur gegn Val og eru allar horfur á því að Hreinn Þór Hauksson leiki þá einnig á fjölum Íþróttahallarinnar.

Bjarni og Oddur voru markahæstir Akureyringa. Mynd: Snorri Sturluson Sport.is

Sjá fleiri myndir Snorra Sturlusonar frá leiknum.

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson