Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það gæti þurft að rýna í mótareglugerðina hjá HSÍ

26. mars 2012 - Akureyri handboltafélag skrifar

Hvað er framundan í boltanum?

Lokaumferð N1 deildar karla verður leikin á föstudaginn og hefjast allir leikirnir á sama tíma, klukkan 19:30. Leikir umferðarinnar eru: Akureyri - Valur, Afturelding - Grótta, HK - Fram og loks Haukar - FH.

Örlög Aftureldingar og Gróttu eru ráðin, Grótta fellur í 1. deild og Afturelding fer í umspil með liðunum sem hafna í 2. – 4. sæti í 1. deild. Haukar hafa tryggt sér 1. sæti deildarinnar og þar með deildarmeistaratitilinn. Auk þeirra hafa FH og Akureyri unnið sér sæti í deildarkeppninni en Fram verður að sigra HK ef liðið ætlar sér í úrslitakeppnina HK kemst í úrslit með sigri eða jafntefli.

Staða liðanna sem verða í úrslitakeppninni er svo jöfn að Akureyri, FH og HK/Fram gætu öll lent í 2. 3. eða 4. sæti þannig að það mun ekkert vanta upp á spennuna og mikilvægi leikja föstudagsins. Að þeim loknum verður ljóst hvaða lið mætast í undanúrslitunum og hvaða lið fær heimaleikjarétt ásamt Haukum.
Samkvæmt upplýsingum á vef HSÍ er gert ráð fyrir að undanúrslitin hefjist miðvikudaginn 18. apríl.

Breyting á undanúrslitakeppninni, þarf að vinna 3 leiki
Á síðasta ársþingi HSÍ var gerð breyting á fyrirkomulagi undanúrslitakeppninnar. Til þess að komast upp úr undanúrslitunum hefur hingað til þurft að vinna tvo leiki en breytingin kveður á um að nú þarf að vinna þrjá leiki til að komast í lokaúrslitin. Þetta þýðir að það gæti þurft allt að fimm viðureignir til að útkljá hvaða lið fara í lokarimmuna.
Þegar þangað kemur þarf aftur að vinna þrjá leiki til að hampa Íslandsmeistaratitlinum.

Möguleikar Akureyrar á að ná 2. sæti deildarinnar

Eins og kemur fram hér að ofan þá er allt opið varðandi endanlega röð liðanna eftir föstudaginn. Möguleikar Akureyrar á að ná 2. sætinu felast fyrst og fremst í því að sigra Val og treysta á að FH tapi stigi eða stigum gegn Haukum. Ef FH tapar fyrir Haukum og Akureyri vinnur Val þá verður Akureyri eitt í 2. sæti með 27 stig. Ef FH og Haukar gera hins vegar jafntefli verða Akureyri og FH jöfn að stigum bæði með 27 stig og þá vandast málið að skera úr um röðina.
Þá þarf að grípa til reglugerðar HSÍ um handknattleiksmót en 20. grein reglugerðarinnar hljóðar svo:

20.gr. Vinningsröð liða
Vinningsröð liða i keppnum á vegum HSÍ ákvarðast á eftirfarandi hátt.
Raða skal liðum til úrslita eftir keppni í riðlum, milliriðlum og deildum, þar sem ekki skal leikið til þrautar, í öllum flokkum, sem hér segir:
  1. Samanlagður stigafjöldi úr öllum leikjum.
    Unninn leikur 2 stig
    Jafntefli 1 stig
    Tapaður leikur 0 stig
  2. Stigafjöldi úr innbyrðis leikjum viðkomandi liða.
  3. Markamunur úr innbyrðis leikjum.
  4. Fleiri skoruð mörk í innbyrðis leikjum.
  5. Markamunur úr öllum leikjum viðkomandi liða í keppninni.
  6. Fleiri skoruð mörk úr öllum leikjum viðkomandi liða í keppninni.
  7. Hlutkesti.
Sjá alla reglugerð HSÍ um handknattleiksmót.

Þar sem liðin yrðu þá jöfn að stigum í deildinni (bæði með 27 stig), jöfn að stigum í innbyrðisleikjum (3:3) og innbyrðis markamunur er einnig jafn (79:79) þarf að fara alveg niður í 5. lið reglunnar til að fá úrskurð. Eins og staðan er í dag þá er markamunur Akureyrar hagstæður um 46 mörk en FH á 39 mörk til góða. Þar með yrði Akureyri í 2. sæti en FH í því þriðja.

Það er því alveg ljóst að Akureyrarliðið þarf fyrst og fremst að treysta á sjálft sig, ekkert nema sigur á Val kemur til greina.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson