Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir lyfta bikarnum

5. maí 2012 - Akureyri handboltafélag skrifar

2. flokkur Íslandsmeistari 2012

Strákarnir í 2. flokki settu nú rétt í þessu glæsilegan lokapunkt á tímabilið þegar þeir urðu fyrstu Íslandsmeistarar Akureyrar Handboltafélags eftir framlengdan úrslitaleik gegn Fram. Akureyrarliðið byrjaði af krafti og hafði fjögurra marka forystu 8 – 4 eftir 15 mínútna leik. Fram kom þó til baka og náðu að jafna í 11 -11 með síðasta marki hálfleiksins.

Akureyri hélt frumkvæðinu í seinni hálfleik, og náði þriggja marka forystu í stöðunni 16 – 13 og aftur 21 – 18. Í þeirri stöðu kom slakur kafli sem Fram nýtti til hins ítrasta og skoraði fjögur mörk í röð og komust yfir, 21-22 en það var í fyrsta og eina skiptið sem Fram var yfir í leiknum.
Líkt og í lok fyrri hálfleiks þá náði Fram að jafna leikinn 24 -24 og því þurfti að framlengja leikinn.

Akureyrarliðið byrjaði framlenginguna með látum og skoraði fyrstu þrjú mörkin en Framarar gáfust ekki upp og náðu að jafna í stöðunni 28 – 28. Það var svo Guðmundur Hólmar Helgason sem skoraði 29. mark Akureyrar þegar 10 sekúndur voru til leiksloka. Fram tók hraða miðju en voru stöðvaðir og Akureyri missti mann útaf með rautt spjald og 5 sekúndur til leiksloka. Fram sendi markvörðinn í sóknina, fengu aukakast sem ekkert varð úr og Akureyri fagnaði langþráðum Íslandsmeistaratitli eftir að hafa endað í 2. sæti ár eftir ár eftir ár.

Bergvin Gíslason var frábær í leiknum og var valinn maður leiksins en Beggi skoraði 11 mörk í leiknum.


Bergvin tekur við viðurkenningu sem maður úrslitaleiksins

Akureyrarliðið varð fyrir áfalli þegar Geir Guðmundsson meiddist illa í seinni hálfleik og kom ekki við sögu eftir það.

Páll Jónsson Snævar Jónsson átt enn einn stórleikinn í markinu, varði 20 skot í leiknum.

Mörk Akureyrar: Bergvin Gíslason 11, Guðmundur Hólmar Helgason 4, Jón Heiðar Sigurðsson 4, Halldór Tryggvason 3, Valþór Guðrúnarson 3, Ólafur Magnússon 2, Geir Guðmundsson og Snorri Atlason 1 mark hvor.

Við óskum strákunum, þjálfurum og öllum sem hafa starfað í kringum 2. flokkinn í vetur til hamingju með árangurinn. Frábær frammistaða í vetur en strákarnir eru einnig deildarmeistarar 2012.


Íslandsmeistarar 2012 taka við verðlaunum sínum

Smelltu hér til að skoða allar 158 myndir Þóris Tryggvasonar frá ferð strákanna.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson