U-20: Tap gegn Sviss í síðasta leik

Ísland tapaði í dag fyrir Sviss 22 - 28. Sviss hafði yfirhöndina allan leikinn. Í stöðunni 4 - 5 fyrir Sviss komu sex svissnesk mörk í röð og sá munur hélst í hálfleik en þá var staðan 8 - 15.

Íslenska liðið átti fínan sprett í upphafi seinni hálfleiks og minnkaði muninn í tvö mörk 18 - 20 þegar þrettán mínútur voru til leiksloka. Þá komu fjögur svissnesk mörk í röð og þeir lönduðu öruggum sigri 22 - 28.

Guðmundur Hólmar sem meiddist í síðasta leik kom ekkert við sögu í leiknum en Geir Guðmundsson skoraði 5 mörk í leiknum.

Mörk Íslands:
Garðar Sigurjónsson, 6
Geir Guðmundsson, 5
Ísak Rafnsson, 4
Árni Benedikt Árnason, 3
Víglundur Jarl Þórsson, 3
Leó Snær Pétursson, 1

Brynjar Darri Baldursson stóð í markinu allan tímann og varði 7 skot.

Þar með er ljóst að liðið hafnar í 4. og neðsta sæti riðilsins.

Svíar unnu Dani 30 - 20 í dag og því eru það Svíar og Sviss sem komast áfram í átta liða úrslit en Íslendingar og Danir fara leika um 9. - 16. sæti.

Hér er hægt að komast á heimasíðu mótsins.


Geir Guðmundsson í leik með landsliðinu.