Opna Norðlenska seinni dagur - myndir - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Valur hrósaði sigri á mótinu		1. september 2012 - Akureyri handboltafélag skrifar Opna Norðlenska seinni dagur - myndir Seinni dagur Opna Norðlenska hófst með leik Akureyrar og Vals. Eitthvað virtust leikmenn ekki klárir svona snemma dags (leikurinn hófst klukkan 10:30) því að eftir sautján mínútna leik voru aðeins komin sex mörk í leikinn en þá var staðan 4-2 fyrir Val. Lítið lifnaði yfir mönnum fram að hálfleik en Valsmenn leiddu í hálfleik 11-8. Sóknarleikur Akureyrar gekk satt að segja lítið sem ekkert, Oddur skoraði fimm mörk, þar af þrjú úr vítum, Bjarni Fritzson 2 og Valþór 1 og þar með var það upptalið. Í seinni hálfleik má segja að Valsarar hafi klárað leikinn á upphafsmínútunum þegar þeir náðu átta marka forskoti 18-10. Eina jákvæða í leiknum af hálfu Akureyrar var innkoma Andra Snæs í seinni hálfleiknum en hann skoraði fimm mörk og barðist af krafti í vörninni. Leiknum lauk með öruggum sigri Valsmanna 31 – 22. Mörk Akureyrar: Oddur Gretarsson 10 (6 úr vítum), Andri Snær Stefánsson 5, Bjarni Fritzson 2, Valþór Guðrúnarson 2, Friðrik Svavarsson, Geir Guðmundsson og Guðmundur Hólmar Helgason 1 mark hver. Jovan varði 10 skot í leiknum og Tomas Olason sem hóf seinni hálfleikinn varði 4 skot. Hjá Val var Finnur Stefánsson markahæstur með 6 mörk (4 úr vítum) HK – ÍR Leikur HK og ÍR var sveiflukenndur, í fyrri hálfleik voru ÍR-ingar mun sprækari og náðu mest 5 marka forskoti en í hálfleik munaði fjórum mörkum, 20-16 fyrir ÍR. HK komu hins vegar ákveðnir til seinni hálfleiks og náðu að jafna í 24-24 og náðu í kjölfarið yfirhöndinni. Allt leit út fyrir að HK væri að tryggja sér sigurinn þegar staðan var 30-32 fyrir HK og stutt til leiksloka en ÍR ingar gáfust ekki upp og jöfnuðu leikinn. HK missti síðan boltann klaufalega og Björgvin Hólmgeirsson tryggði ÍR sigurinn með hraðaupphlaupsmarki á síðustu sekúndu leiksins, 32-33 fyrir ÍR. Vinstri hornamaður ÍR, Sigurður Magnússon skoraði 9 mörk og Björgvin Hólmgeirsson 7. Hjá HK skoraði Bjarki Már Elísson 12 mörk þar af 5 úr vítum. Akureyri – ÍR Leikur Akureyrar og ÍR var í raun leikur um annað sætið á mótinu þar sem Valsmenn voru í raun búnir að tryggja sér sigurinn. Þjálfarar Akureyrar Bjarni Fritzson og Heimir ákváðu að vera utan vallar í þessum leik þannig að meðalaldur liðsins var ekki ýkja hár. ÍR byrjaði betur og hafði frumkvæðið framan af en Akureyri jafnaði í 8 – 8 og bætti um betur og náði fjögurra marka forystu 12 – 8 og eftir það litu ungu strákarnir ekki um öxl. Í hálfleik var staðan 16 – 13 fyrir Akureyri. Allt annað var að sjá til liðsins en í Valsleiknum. Oddur Gretarsson og Sigþór Heimisson stjórnuðu spilinu eins og herforingjar meðan að Geir Guðmundsson fór mikinn og skoraði fimm mörk. Í seinni hálfleik fékk Stefán Guðnason að spreyta sig í markinu í stað Jovan og Stefán minnti svo sannarlega á sig og varði 10 skot, þar af eitt vítakast. Í sóknarleiknum blómstraði Guðmundur Hólmar með sex mörk og Bergvin Gíslason fjögur. Leiknum lauk með öruggum sigri Akureyrar 36 – 27. Mörk Akureyrar: Guðmundur Hólmar Helgason 7, Bergvin Gíslason 6 (1 víti), Geir Guðmundsson 5, Sigþór Heimisson 5, Ásgeir Jónsson 4, Oddur Gretarsson 4, Andri Snær Stefánsson 2, Kristján Sigurbjörnsson 2 og Friðrik Svavarsson 1. Í markinu varði Jovan Kukobat 8 skot og Stefán Guðnason 10 eins og áður segir. Hjá ÍR voru Björgvin Hólmgeirsson og Sturla Ásgeirsson allt í öllu. Björgvin skoraði 9 mörk og Sturla sömuleiðis, reyndar 5 úr vítaköstum. Valur – HK Í lokaleik mótsins mættust Valur og HK. Lengi framan af voru HK ingar mun sprækari en Valur jafnaði í stöðunni 10 – 10 og leiddi í hálfleik 16 – 13. Í seinni hálfleik beitti Patrekur þeirri leikaðferð að vera ávallt með aukasóknarmann, markvörður liðsins skipti ávallt útaf en Valdimar Þórsson stjórnaði spilnu sem aukasóknarmaður í vesti. Þessi leikaðferð gekk misjafnlega, vissulega náðu Valsmenn oft að opna HK vörnina en á móti skoruðu HK menn mörg mörk yfir þveran völlinn í autt markið þó þeir hafi raunar ekki nærri alltaf hitt í markið. HK jafnaði í 17-17 en í kjölfarið náðu Valsmenn fljótlega fimm marka forystu 23 – 18 og þó að HK menn legðu ekki árar í bát tókst þeim aldrei að brúa það bil en leiknum lauk með tveggja marka sigri Vals 29-27. Hjá Val skoraði Finnur Ingi Stefánson 12 mörk (3 úr vítum) en hjá HK var Bjarki Már Gunnarsson atkvæðamestur með 8 mörk. Lokastaða mótsins Valsmenn fögnuðu því sigri á mótinu með 6 stig Akureyri í öðru sæti með 4 stig ÍR í þriðja sæti með 2 stig HK í fjórða sæti án stiga. Í mótslok voru veittar leikmannaviðurkenningar: Besti markvörður: Jovan Kukobat Akureyri Besti varnarmaður: Bjartur Guðmundsson Val Besti sóknarmaður: Björgvin Hólmgeirsson ÍR Besti leikmaður mótsins: Björgvin Hólmgeirsson ÍR Þeir fengu allir að launum glæsilegar matarkörfur frá Norðlenska. ÍR ingum lá reyndar mikið á að komast heim og því var Björgvin ekki viðstaddur verðlaunaafhendinguna og fær því ekki mynd af sér. Jovan Kukobat besti markvörður mótsins Bjartur Guðmundsson besti varnarmaður mótsins Gunnar Harðarson fyrirliði Vals með bikar sigurvegaranna Lið Valsmanna - sigurvegarar Opna Norðlenska 2012
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson